Lapa-lapa
| Wastan sané tiosan | Leppe-leppe (Bugis) |
|---|---|
| Mawit saking | Indonésia |
| Wawengkon utawi wewidangan | Sulawesi Kelod Kangin, Sulawesi Kelod |
| Suhu penyajian | Ulam mauyahin, sambel, opor ayam |
| Lakaran utama | Beras, Ketan, Jagung, Ubi |
Lapa-lapa inggih punika ajengan sané malakar saking beras, ketan, jagung utawi ubi miwah maasal saking Nusa Sulawesi. Lapa maasal saking kruna basa Wolio sané maartos malipet-lipet sané nyiriang prosés pangaryanan Lapa-lapa. Ajengan puniki kaloktah kasadiayang ritatkal idulfitri miwah ring acara Haroa utawi selametan, acara adat, pawiwahan utawi ngamong tamiu agung.
Lapa-lapa ketahné kaajeng sinarengan darang sané mabinayan mawit désa nawacara ipun. Ring Kota Makasar sinarengan ulam mauyahin miwah sambel kaluku (sambel nyuh) sané malakar saking kikihan nyuh[1], sate Pokea (Sulawesi Tenggara) [2] Sapunika ring désa Kulati, Nusa Tomia, Kabupatén Wakatobi, lapa-lapa malakar saking ubi ungu sané kawewehin kikihan nyuh ring adonan miwah kasajiang sareng ulam paréndé.[3]
Ring acara adat Haroa krama Muna, lapa-lapa punika dados silih tunggil ajengan syarat sané patut wénten sinarengan jaja cucur.[4] Ring Sumbawa Barat lapa-lapa malakar saking jagung miwang kaajeng dados sanganan ritatkala mapuasa.[5]
Lakaran[uah | uah wit]
Ring pangaryanan lapa-lapa, perlu kulit bungkus sané malakar saking busung utawi ring basa Tomia kasengguh Balé sané maartos pinih becik. Wénten tali antuk nyeet ketah nganggén tali rapia, tali karung beras, tali keraras [2] taler wénten tali saking kulit Waru.
Pustaka[uah | uah wit]
- ↑ Hakim, Eka (2015-07-18). Isnaeni, Nadya (ed.). "Lapa-lapa, Si Gurih Makanan Khas Lebaran Suku Bugis". Liputan6.com (ring Indonesia). Kaaksés 2023-03-01.
- ↑ 2,0 2,1 "Lapa-lapa Makanan Khas Sulawesi Tenggara". Cendana News (ring Indonesia). 2016-03-19. Kaarsipin saking versi asli tanggal 2023-02-28. Kaaksés 2023-03-01.
- ↑ Priherdityo, Endro. "'Perkawinan' Lezat Singkong dan Seafood di Wakatobi". CNN Indonesia (ring Indonesia). Kaaksés 2023-03-01.
- ↑ RCTI+. "Lapa-Lapa dan Cucur, Menu Wajib Menyambut Puasa Masyarakat Muna - RCTI+". News+ on RCTI+ (ring Indonesia). Kaaksés 2023-03-01.
- ↑ Sadikin, Rendy Adrikni (2019-05-18). "Mengenal Lappa-lappa, Teman Santap Berbuka Khas Sumbawa Barat". Suara.com (ring Indonesia). Kaaksés 2023-03-01.