Kreteg Tukad Bangkung

Kreteg Tukad Bangkung silih tunggil kreteg sané magenah ring Propinsi Bali, tepat ipun ring Désa Pelaga, Kecamatan Petang, Kabupatén Badung, karesmiang tanggal 19 Désémber 2006. Kreteg puniki dados pangubung tiga kabupatén, punika kabupatén Badung, Bangli, miwah Buléléng punika dados kreteg nganggén saka sané pinih lantang ring Bali miwah kanikayang dados pinih tegeh ring Asia.

Kreteg Tukad Bangkung ngelah lantang 360 méter, linggah 9,6 méter, antuk saka pinih tegeh ngantos 71,14 méter, miwah aled saka 41 méter ring sor tanah. Kreteg punika nganggén téknologi balanced cantilever, antuk kareringanin nganti 100 warsa.

Krana hawanan mangda nénten mingurangin pamandangan ring nampek ipun, kreteg nénten kawangun raab ring duur nyané. Konstruksi kreteg puniki kanikayang kuat ngantos lindu 7 skala Richter. Kreteg punika ngentosin kreteg sané sadurungné sané magenah 500 méter ring sisi kelod Jembatan Tukad Bangkung sané mangkin. Nelasang Rp 49 miliar langkung antuk ngawangun sané maasal sujati saking APBD Provinsi Bali, antuk sistem multiwarsa saking warsa 2001. Pawangunan kreteg puniki dados némpongin saking kreteg sané lintang sawatara 6 kilométer.