Kaliadrem

Saking Wikipédia
Kaliadrem
Kaliadrem
Wastan sané tiosanUcur, Kucur
TipéJaja
Mawit sakingIndonésia
Wawengkon utawi wewidanganBali
Lakaran utamaTepung beras, gula Bali, gula pasir miwah nyuh

Kaliadrem utawi Ucur inggih punika silih situnggil jaja Bali. Jaja punika mawentuk segitiga miwah bunter. Akéh krama sané maosang punika sanganan Donat Bali nanging nénten maunti. Kaliadremé punika mawarna coklat santukan kakaryanin antuk tepung beras, gula Bali, gula pasir miwah nyuh sané sampun makikih saha kaulet saka kidik nyantos alus raris kaimbuhin vanili, wusan kénten jantos manawita 5 jam raris kawentuk segitiga.[1]

Ritatkala rahinan ring Bali Galungan wiadin Tumpek sinah sampun akéh kapanggihin ring pasar. Kaliadrem kadadosang jaja utawi sanganan sané khas saking Bali. Ketahnyané jaja puniki kaanggén antuk upakara agama, wénten taler krama sané nganggén jaja puniki antuk amikan. Jaja kaliadrem kaimbuhin wijén ring ajengnyané. Jaja kaliadrem ketahnyané kapanggihin ring pasar-pasar tradisional.

Pustaka[uah | uah wit]