Kajol Mukerjee

Saking Wikipédia

Kajol Mukerjee embas ring Mumbai, 5 Agustus 1974 inggih punika aktris India sané kaucap kasub ring warsa 19990an,[1] Kajol sampun polih akeh pernghargaan minakadi 6 Penghargaan Filmfare.[2] Kajol embas ring kaluwarga Mukherjee – Samarth; Ajinnyane Shimu Mukherjee sané makarya dados pangardi pilem, ibunnyane Tanuja miwah adikne sané luh maparab Tanishaa Mukerji. Kajol ngawitin main pilem duk warsa 1992 ring pilem Bekhudi sané kaucap gagal ring box office. Kajol ngelanturang main pilem Baazigar (1993) tur sayan kasub duk warsa 1995 ring pilem Karan Arjun miwah Dilwale Dulhania Le Jayenge sané dados pilem pinih lais. Pilem lianan sané kapraginain olih Kajol inggih punika Gupt: The Hidden truth (1997), Dushman (1998), Misara Kanavu (1997), Ishq (1997), Pyaar Kiya To Darna Kya (1998), Pyaar To Hona Hi Tha (1998) miwah Kuch Kuch Hota Hai (1998).Warsa 2001 Kajol mragianin pilem dados anak luh saking Punjab sané cerewet ring pilem Kabhi Khushi Kabhie Gham, ngelantur dados anak buta ring pilem Faana (2006), pilem My Name Is Khan (2010), Dilwale (2015), Velaiilla Pattadhari 2 (2017), Tanhaji (2020), U Me Aur Hum (2008) miwah We Are Family (2010). Kajol nganten ring warsa 1999 sareng aktor saking India maparab Ajay Devgn, lantas madué oka 2 diri maparab Nysa miwah Yug.[3]

Pustaka[uah | uah wit]

  1. "Profil Kajol yaitu Biodata, Profil Pribadi & Data Keluarga - WowKeren.com". WowKeren. Kaaksés 2021-04-29.
  2. "Kajol Awards: List of awards and nominations received by Kajol | Times of India Entertainment". timesofindia.indiatimes.com. Kaaksés 2021-04-29.
  3. "BIODATA AKTRIS BOLLYWOOD - Kajol Devgan - Wattpad". www.wattpad.com. Kaaksés 2021-04-29.