Cebur nuju daging

Dilwale Dulhania Le Jayenge

Saking Wikipédia
Dilwale Dulhania Le Jayenge
SutradaraAditya Chopra
ProduserYash Chopra
Kasurat olihAditya Chopra
Javed Siddiqui (dialog)
Screenplay olihAditya Chopra
Cerita olihAditya Chopra
Bintang Pilem
Musik olihJatin–Lalit
SinematografiManmohan Singh
Uahin olihKeshav Naidu
Perusahaan
produksi
Tanggal rilis
  • 20 Oktober 1995 (1995-10-20) (India)
Lantang galah
189 menit[1]
NegaraIndia
BasaHindi
Budget₹40 juta[2][3]
Box officeMal:Estimation ₹1.03 miliar[2][4][5]

Dilwale Dulhania Le Jayenge (basa bali : Keneh Ane Wanen Lakar Ngaba Pengantene) inggih punika pilem India sané kasutradarain olih Aditya Chopra, kabuat olih Yash Copra miwah kasurat olih Javed Siddiqui sareng Aditya Chopra. Pilem puniki medal ring 20 Oktober 1995 kapraginain olih Shah Rukh Khan miwah Kajol. Genah pilem kaambil ring India, London miwah Swiss wit Séptémber 1994 – Agustus 1995. Pilem puniki silih tunggil pilem sané paling lais ring warsa 1995 tur polih 10 Penghargaan Filmfare.[6] Pilem Puniki nyaritaang indik tresna sané kahalang restu rerama.

Pemeran Pilem

[uah | uah wit]
Pemeran Pilem
Wastan Aktor Pinaka
Shah Rukh Khan Raj Malhotra
Kajol Simran Singh
Amrish Puri Chaudhary Baldev Singh, Ajikne Simran
Farida Jalal Lajwanti ‘’Lajjo” Singh, Ibu Simran
Achala Sachdev Dadongne Simran
Himani Shivpuri Kammo Kaur, Bibine Simran
Pooja Ruparel Rajeshwari “Chutki” Singh, nyamane Simran
Anupam Kher Dharamvir Malhotra, Ajine Raj
Parmeet Sethi Kuljeet Singh, Okane Ajit
Anaita Shroff Adajania Sheena, timpalne Simran
Karan Johar miwah Arjun Sablok Rocky dan Robbie, timpale Raj

Sinopsis Pilem

[uah | uah wit]

Carita kakawitin olih Simran (Kajol) sané marencana maplesiran ka Éropa wus tamat sekolah. Pateh taleh Raj Malhotra (Shah Rukh Khan) sané pacang kacunduk ring tongos ane patuh. Sedek dina anu Raj kacunduk tekén Bapane Simran, Chaudhry, ring toko gelahne. Dugas ento Ia lakar meli bir kewala katulak olih Caudhry. Tusing kuangan daya, Raj lantas mapi - mapi meli aspirin lantas melaibang bir tur ngejang pis belin birne di duur meja. Nepukin tingkah polahe ento, Caudhry gedég tur sing demen ajak Raj.

Buin manine Chaudhry maan surat uli timpalne, Ajit. Surate ento misi pangidihne Ajit apang ngantenang Simran ngajak panakne Kuljeet (Parmet Sethi), Chaudry langsung nyanggupin. Ningeh kabar lakar kajodoang ajak anak muani ane tusing taen kenale, Simran ngidih tekén bapanne apang baange maplesir ke Éropa satonden ia ngante, Diastun tusing lega keneh bapanne, Simran kabaang maplesir ke Éropa. Ring dina Simran maplesiran, Simran kakalain olih kereta miwah timpal - timpalne. Kéto masih Raj. sané ngranayang maka kallih ngelanturang maplesir mapisah sareng rombongan. Nika ngranayang Simran miwah Raj sesai matemu kanti saling tresna karasayang sang kalih truna truni punika. Teked di umahne, Simran macarita tekén ibune indik anak truna ane kaajak maplesiran di Éropa. Simran tusing nawang, Chaudhry bareng ningehang caritane punika, Chaudhry gedé tur ngorahang lakar ngajak pindah kaluargane ke India buin manine. Di tongos malenan, Raj ngoraang ajak Bapane, Ia demen ajak anak bajang kewalan anak bajang punika pacang nganten. Raj taler nuturang yéning Simran masi ngelah keneh ane patuh. Bapanne Raj lantas ngorain Raj apang makatang anak luh ento.

Ring India, Chaudry matemu malih sareng timpalne, Ajit (Satish Shah). Simran miwah adikne ane luh, Chutki (Pooja Ruparel) tusing demen ajak tunangane Simran, krana bikasne ane sombong. Simran kangen ajak Raj,kewala ibune ngorain apang Simrang ngengsapang Raj. Ibune nawang yen bapane tusing lakar taen nerima Raj dadi mantu. Kacaritaang masi Chutki nawang ane madan Raj, tur ngorain apang Raj ajak Simran kawin lari. Chaudry inget dugas Raj mlaibang bir di tokone, kewala Chaudry suba ngengsapang rasa pedihne.

Pustaka

[uah | uah wit]
  1. ↑ "Dilwale Dulhania Le Jayenge (PG)". British Board of Film Classification. Kaarsipin saking versi asli tanggal 30 May 2015. Kaaksés 18 March 2015. Unknown parameter |dead-url= ignored (help)
  2. ↑ 2,0 2,1 "Dilwale Dulhania Le Jayenge". Box Office India. Kaarsipin saking versi asli tanggal 18 July 2016. Kaaksés 19 October 2017.
  3. ↑ Baker, Steven (12 January 2013). "Shah Rukh Khan, Kajol's 'DDLJ' completes 900 weeks". Digital Spy. Kaarsipin saking versi asli tanggal 30 May 2015. Kaaksés 10 March 2015. Unknown parameter |dead-url= ignored (help)
  4. ↑ "Top Worldwide Grossers ALL TIME: 37 Films Hit 110 Crore". Box Office India. Kaarsipin saking versi asli tanggal 30 October 2013. Kaaksés 3 February 2012. Unknown parameter |dead-url= ignored (help)
  5. ↑ "Top Lifetime Grossers Worldwide". Box Office India. Kaarsipin saking versi asli tanggal 21 October 2013. Kaaksés 25 December 2010. Unknown parameter |dead-url= ignored (help)
  6. ↑ "Sinopsis Dilwale Dulhania Le Jayenge Mega Bollywood ANTV, Siang Ini". tirto.id (ring Indonesia). Kaaksés 2021-04-27.

Pranala jaba

[uah | uah wit]
Penghargaan miwah prestasi
Sadurungné olih:
Hum Aapke Hain Koun..!
हम आपके हैं कौन 		Wimbakara Filmfare antuk Pilem pinih becik
1996 		Selanturné olih:
Raja Hindustani
राजा हिन्दुस्तानी


Kapolihang saking "https://ban.wikipedia.org/w/index.php?title=Dilwale_Dulhania_Le_Jayenge&oldid=151931"