Kadutan

Saking Wikipédia
Loncat ke navigasi Loncat ke pencarian
Kadutan Bali

Kadutan utawi Keris utawi Duwung inggih punika silih tunggil sanjata belati sané keanggén mayuda ring nampek, sané mangkin keris puniki kantun keanggén ring akéh upacara adat utawi dados ageman.[1] Ketah nyané kauningin antuk tosan aji utawi wesi aji artos ipun wesi sané mulia taler metuah. Ring para kramané keris keanggep sanjata sané medué tuah niskala.[2] Keris puniki silih tunggil asil budaya material warisan para pitara. keris puniki kauningin ring wewengkon Asia Kelod-Kangin sekadi Thailand, Singapura, Malaysia lan Filipina. Taler akéh ring wewengkon Indonésia utawi nusantara nguningin keris, saking nusa Jawa, Sumatera, Kalimantan, Sulawesi, Maluku, Bali, Nusa Tengara Barat, ngantos Nusa Tenggara Timur. Punika keris kauningin manados identitas budaya asli Indonésia.[3]

Kaloktah ida sané ngaryaning keris puniki kewastanin empu. Pande Wayan Suteja Neka nikayang gelar punika ring Bali metiosan, ida sané merkarya kewastanin pande keris, empu utawi sulinggih puniki wantah ida sané nyuciang utawi masupati keris pekaryan sang pande keris, mangda keris puniki urip taler matuah.[4]

Ring warsa 2008, keris katetapang manados Warisan Budaya Tak Benda Jagat olih UNESCO, panetapan punika mawinan keris puniki nenten wantah wujud ipun, menawi pidabdab pekaryan ngantos kawiguna ipun nentén prasida kaicalang, sampun dados situnggal paiketan sané jangkep.[5]

Pustaka[uah | uah wit]

  1. The Form of the Keris, balikeris.com, kaakses 21 Agustus 2020
  2. Kusni (1979), Pakem Pengetahuan tentang Keris, C.V. Aneka Semarang, p. 108
  3. Kadutan, Direktorat Warisan dan Diplomasi Budaya, kaakses 21 Agustus 2020
  4. Explore The Light of Bali, Keris Kamardikan - Kembalinya Sebuah Tradisi Adiluhung: PROSES PEMBUATAN KERIS BALI
  5. Indonesian Kris, UNESCO, kaakses 21 Agustus 2020