Justin Bieber

Saking Wikipédia
Loncat ke navigasi Loncat ke pencarian
Justin Bieber ring warsa 2015

Justin Drew Bieber inggih punika artis lanang saking Kanada sané embas duk 1 Maret 1994. Anak lanang punika satmaka pagending miwah pangawi gending sané kaloktah ring sajebag dura negara. Sané nemonin video Justin Bieber pinih rihin ring Youtube inggih punika manajer Scooter Braun. Raris, Justin kakontrak dados pagending tur ngamedalang gending sané mamurda "My World " ring panguntating warsa 2009. Artis punika taler ngamedalang sasolahan film 3D Justin Bieber: Never Say Never miwah album kaping kalihnyané Under the Mistletoe ( warsa 2011). Album sané kaping tiga mamurda Believe (warsa 2012) ngamedalang single "Boyfriend", pinaka gending sané pinih kasub ring Kanada. Sané kaping pat mamurda Purpose kamedalang ring warsa 2015, sané ngawinang wénten tigang gending sané kaloktah pisan inggihnyané: "What Do You Mean?", "Sorry", miwah "Love Yourself". Selanturnyané Justin Bieber nyarengin pagending lianan mangda magending sinarengan ring gending-gending sané mamurda "Cold Water", "Let Me Love You", "Despacito (Remix)", miwah "I'm the One". Asil saking ngadol album punika ring Amérika Serikat ngantos sawatara 44.7 yuta kaset.

Pustaka[uah | uah wit]