Taylor Swift

Saking Wikipédia
Loncat ke navigasi Loncat ke pencarian
Taylor Swift

Taylor Alison Swift inggih punika silih sinunggil pagending tur pangripta gending saking Amérika Serikat. Dané kelih ring Pennysylvania, salanturnya magingsir ka Nashville, Tennessee ring yusa patbelas warsa, dané magingsir krana kayun antuk makarya ring musik country. Taylor makarya sareng silih sinunggil labél sané mawasta Independen Big Machiné Record. Ring warsa 2018 kontrak Taylor sareng Big Machiné Record punika kapuputang. Salanturnyané Taylor nyarengin Universal Music Group tur kadadosang pagending sané pinih muda sané kakaryanin olih Sony/ATV Music publishing house. Ring warsa 2006 Taylor Swift ngamedalang album debut sané mamurda pateh sareng wastan Taylor Swift tur ngamolihang genah kaping lima ring Billboard 200. Ring warsa 2008 Taylor Swift ngamedalang album kaping kalih sané mamurda Fearless, Fearless kadadosang album sané pinih akéh kaadol ring warsa 2009 ring Amérika Serikat. Album kaping tiga punika manadosang Taylor Swift ngamolihang patpat Grammy Awards, tur manadosang dané jayanti pinih muda ring Album of the Year. Taylor Swift ngamedalang single kaping tiga ring album Our Song, album punika mawinan dané dados anak pinih muda sané ngripta tur ngendingang ngedéwék gending sané ngamolihang peringkat kaping siki ring tangga Hot Country Songs.[1]

Pustaka[uah | uah wit]

  1. ^ "Taylor Swift Biography: Singer (1989–)". FYI. Diarsipkan dari versi asli tanggal August 30, 2016. Diakses tanggal Desember 1, 2019.