I Keliud tekén I Teragia

I Keliud tekén I Teragia
Satua
Aran	I Keliud tekén I Teragia
Data
Negara	Indonésia
Wewidangan	Bali
Pinanggal asal	1918
Katerbitang ring	Aneka-Warna Tjakepan Kaping Kalih, Pepaosan Bali Kesoerat Antoek Aksara Belanda
Liyanan	Ajam Mapaloe Pamadat

I Keliud tekén I Teragia (aksara Bali: ᵒi​kĕliyud·​tĕken·​ᵒi​tĕragiya) inggih punika silih tunggil satua Bali. Satua niki kasurat ring warsa 1918 mawit saking pustaka mamurda "Aneka-Warna Tjakepan Kaping Kalih, Pepaosan Bali Kesoerat Antoek Aksara Belanda" olih I Madé Pasek sane katerbitang olih Batavia Landsdrukkerij. Satua cutet niki dados ngawitin sastra Bali modern ring dasawarsa 1910-an.

Daging satua

Adà anak tjerik meadan I Kelioed. Iǎ mesekolah, nanging majoes pesan meladjah. Mekirē kesekolahan toesing pati mandjoes, pepes ngelengit, toesing pati masoek kesekolahan. Oeli djoemahnē semengan iǎ soebǎ mekinkin lakar kesekolahan, toer pepek ngabǎ sepirantining mesekolah. Boeat pekaadnē oeli djoemahnē singdǎ kesekolahan, nanging ngelingkoeng ketjarike, wiadin melali koemah pada timpal-timpalnē, anē gegaēnnē ngalih djangkerik moeah ngadoe dajǎ tan patoet dogēn. Pepes pesan mēmē bapannē ngelēmēkin I Kelioed, masih toesing roengoeangē. Doning kēto, ngamboel mēmē bapannē, depininē pianaknē ngoelah lakoe.

Ketjerita boein ada anak tjerik meadan I Teragiǎ, masih mesekolah toenggal pesekolahan teken I Kelioed, toer sebarengan masoek. Jan boeat I Teragiǎ singdǎ keto solahnē; anteng, pesan iǎ masoek kesekolahan. Sepengadah mēmē bapà moeah goeroennē mekedjang resepangǎ. Seloeiring pepeladjahanē, anē peladjahina disekolahanē, mekedjang toearǎ ada anē toelēmanangǎ. Boeat gegaen dijoemnahnē masih iǎ keto. Doning kēto, mekedjang goeroennē padǎ teresnǎ, mēmē bapanē padǎ njajangang.

Sesoebannē I Teragiǎ lepas oeli pesekolahannē, iǎ ngalih gegaēn, toer mebaan pangkat dadi djoroe soerat. Jan moenggoeing I Kelioed, edǎ boein peragat pasekolahannē, tjetjekko, toearǎ tawangǎ. Wesannē iǎ dadi djoroe djagǎ soerat di kantor, di tongos I teragianē dadi djoroe soerat. Noedjoe dinà anoe I Kelioed toendēnǎ ngabǎ soerat baan I Teragiǎ medoeloeran pipis pitoeng ringgit, lakar katoer tekēn manteri poelisinē. Setekannē di djeron manteri poelisinē, soeratē aloerangǎ, nanging pipisne toesing. Sesoēbannē manteri porlisinē matjǎ soeratē, lantas metakon tekēn anē ngabǎ soeratē:

"Ih, kelioed! Didjǎ pipisē anē pitoeng ringgit, papēt djoroe soeratē?"

Matoer I Kelioed: ".. Tan wenten pisan wēnten dijinah baktan titiang mesarengan ring soerat poenikă".

Kerană I Kelioed matoer kēto, kadēnă pipisē ento toesing moenggah disoeratē.

Ngendikă boein manteri poelisinē: "Kēnkēn dadi dini disoeratē moenggah medoeloeran pipis pitoeng ringgit toer moenggah tjai anē ngab? Edă pesan tjai linjok! Jan tjai toeară njak ngakoe pepatoetan, djani itjang noendēnang metakon tekēn djoeroe soeratē, sadjă tan sadjannē boekă anē moenggah disoeratē tēnēnan. Jan tjai soebă ngakoe, singdă adă salahă anakē ngakoe".

Mară kēto pengendikan manteri poelisinē, lantas iă ngakoe, toer pipisē pitoeng ringgit laoet atoerangă. Dēning I Kelioed sinah djalema doersilă, ditoe lantas iă kedjoek baan oepas manteri poelisinē, toer ketalinin, atoeranga kepekentjan. Doegasē dipekentjan I Kelioed noenasang raos, baanē manteri poelisinē ngendikaang toesing adă salah anakē ngakoe.

Mară kēto atoer I Kelioedē, lantas ngendikă Sang Keretă sinambi itjă: "Boeat entoē sadjă pesan Kelioed! Anakē ngakoe toesing adă salahă. Nanging keranannē tjai mai atehangă kepekentjan, baanē tjai mekeneh ngelem pepaēt. Ento anē lakar emasin tjai sisip".

Mară kēto pengendikan Sang Keretă, I Kelioed singdă ngelah atoer. Pemeragat raosē, I Kelioed kebogolang teloe boelan mekelonnē. Ditoe iă njelsel dēwēk sambilangă ngelimid pedidihină, kēnē moenjinnē: "Eh, latjoerē sing pesan dadi kelidin, bagianē toesing dadi alih. Jēn anē maloe antengang ibanē meladjah, mirib singdă nepoekin anē boekă djani; mēh soebă dēwēkē dadi djoeroe soerat. Djani kadoeng soebă kēnē, kēnkēnang baan ugilangang djelēnē. Boeină ento tan pegoenă selselang pang mekelo, kadoeng soebă laboeh. Jēn oeli maloe pinehin lakar djelēnē, pedas melahē bakal tepoek".