I Gusti Ayu Kadek Murniasih
I Gusti Ayu Kadek Murniasih utawi kauningin IGAK Murniasih (Murni, pesengan akrab) inggih punika istri sané embas ring Tabanan, Bali warsa 1966. Kakawiannyané nyihnayang indik perjuangan para istri.[1] Murni seda ring 2006 saking sakit Kanker.
Ring warsa 2016, anggén ngelingin 10 warsa séda dané, pameran sané mamurda "Merayakan Murni" kamargiang ring Sudakara Art Space. Pameran puniki kakaryanin olih Ketemu Project Space miwah Mondo, antuk nampilin makudang-kudang seniman minakadi Wawi Navarozza, Imhathai Suwatthanasilp, Mondo, Ototol, Mella Jaarsma, Citra Sasmita, miwah Mintio.
Murni inggih punika okan kaping dasa saking petani ring Jembrana sané meneng ring Sulawesi Selatan. Ri kala kantun alit, Murni makarya dados pembantune ring kulawarga, taler ring industri tekstil sane kadruwénang olih kulawarga punika, raris kaundang magingsir ka Jakarta. Sasampuné makarya makudang-kudang warsa, dané makayunan ngalih ka Bali tur makarya dados tukang perak. Ring Bali Murni matemu sareng jodohnyané sané anak Bali miwah mawiwaha. Nanging santukan somahipune punika mamanah jaga ngembasang rare, raris kurenannyane punika ngambil anak luh lianan, tur Dane Purna nenten naen marabian ngajak anake alit punika. Murni raris nunas cerai tur polih kaputusan punika ring warsa 1993 miwah dados anak istri Bali kapertama sané nglaksanayang punika.[2]
Murni malajah nglukis sareng Edmondo Zanolini ring pelukis saking tradisi Pengosekan (Ubud) inggih punika Dewa Putu Mokoh. Saking kakalih jadma puniki, Murni ngamolihang kawagedan dasar saking proses visual ring kanvas. Mondo sane kasub pinaka pasangan urip Murni, inggih punika silih tunggil seniman miwah sutradara berkebangsaan Italia sane sampun meneng ring Bali ring panguntat warsa 80-an. Yadiastun malajah nglukis ring pelukis tradisional, nanging nénten ngwatesin karya-karya Murni ring wangun tradisional. Cihna saking gaya pengosekan punika wantah kacingakin ring teknik lukisanné kémanten, sakéwanten manut tematik ring karya-karya Purni sampun nglimbak pisan. Pangawi Jean Couteau maosang yéning Murni sampun mapikayun nglimbakang kawigunannyané saking gaya lukis Pengosekan-né.[3]
Ring karya Murni, tema seksualitas anak istri dados dominan pisan, puniki kapanggihang pisan olih pengalaman kauripan pribadinnyane. Lukisan Murni nyihnayang benda sané taler mapaiketan sareng fenomena ring kahuripannyané. Ngawit saking sepatuné sané ketah kasengguh feminin miwah universal ngantos organ tubuhnyané. Tokoh-tokoh ring lukisannyané inggih punika tokoh-tokoh pribadinnyané sané fenomenal antuk gambar sané liar miwah absurd. Témannyané madasar antuk pengalaman, alam bawah sadarnyané miwah citra ragannyané, antuk narasi ring riri, taler ring seksualitas manusa.[2]
Murni naanin maosang ring wawancara sareng Seniwati Gallery indik dané kagebug olih bapannyané. Ida ngandikayang indike punika, malantaran Ida ngardi arca sane kakardi antuk temaga sane alus pisan. Dané nyihnayang yéning dané rumasa "kacemerin" - nyihnayang sirah, jantung, miwah janinnyané. Indike punika ngawinang dane kalintang sungsut. Punika mawinan, trauma punika prasida kacingak ring lukisannyané sané sering kasengguh pornografi, tabu, miwah kasar. Sujatine, ia tuah makeneh ngubadin dewekne aji lukisan. Dané nyambatang, "Tiang ngambar napi sané wénten ring tiang mangkin, napi sané wénten ring tiang dibi. Tiang makarya ring genah sane dangan. Nénten ja méweh".[4]
Duk warsa 1990-an, karya-karya murni punika kasobyahang olih publik seni malarapan Galeri Seniwati ring Ubud. Ruang seni khusus sané nyihnayang karya-karya seniman istri. Galeri Seniwati kaadegang olih anak istri saking Inggris sané mawasta Mary Northmore. Galeri Seniwati raris nglimbak dados soroh komunitas antuk para seniman istri miwah makarya malih nyantos warsa 2013, sadurung puput. Melarapan galeri Seniwati puniki, lukisan Murni kasub kantos prasida kapamerang olih Cemeti Contemporary Art Gallery (mangkin Cemeti Institute) ring warsa 1995, kantos salanturnyané kapamerang olih galeri Nadi ring Jakarta ring pertengahan 2000-an.
- ↑ Bianpoen, Carla; Wardani, Farah; Dirgantoro, Wulan (2007). Indonesian Women Artists: The Curtain Opens. Yayasan Senirupa Indonesia. p. 143. ISBN 978-979-16562-0-7.
- ↑ 2,0 2,1 Carla, Bianpoen (2016). Biografi I GAK Murniasih, Merayakan Murni/Celebrating Murni. Bali: Ketemu Project Space. p. 12.
- ↑ Couteau, Jean (1–7 November 2006). "Surealisme Naif Murni". Gamma.CS1 maint: date format (link)
- ↑ "Ketemu Project | Murni, Diary and Art Therapy". ketemu.org (ring Inggris). Kaarsipin saking versi asli tanggal 2018-07-07. Kaaksés 2018-07-07. Unknown parameter
|dead-url=ignored (help)