Gunung Tangkuban Perahu

Saking Wikipédia
Gunung Tangkuban Perahu

Gunung Tangkuban Perahu inggih punika silih tunggil gunung sané magenah ring Propinsi Jawa Barat, Indonésia. Wénten akéh punyan pinus tur kebun téh ring sakelilingné. Gunung Tangkuban Perahu madué tegeh 2.084 méter. Wentuk gunung puniki marupa Stratovulcano. Wawengkon Gunung Tangkuban Perahu kaurus olih Perum Perhutanan (Perum Peralasan?). Suhu udarané sawatara 17 derajat Celsius ring tengai, miwah 2 derajat ring petengné. Gunung Tangkuban Perahu madué kawasan hutan dipterokarp Bukit, hutan dipterokarp Atas, alas Montane, miwah hutan Ericaceous utawi alas gunung.

Asal-usul saking Gunung Tangkuban Perahu puniki kabosang makaitan ring legénda Sangkuriang[1], sané kacritayang tresna ring ibunyané, Dayang Sumbi. Dayang Sumbi nénten prasida makaronan sareng pianaknyané, nika mawinan Dayang Sumbi ngandika Sangkuriang antuk ngawé telaga miwah perahu apetengan manten. Krana galahné kasep, Sangkuriang nénten mrasidayang ngawe perahu tur telagané punika. Sangkuriang gedég tur nendang perahuné punika ngantos mebading. Perahu punika sané dados Gunung Tangkuban Perahu. Gunung Tangkuban Perahu rumasuk gunung api aktif sané kaawasin olih Direktorat Vulkanologi Indonésia. Wénten kawahnyané sané kantun aktif.

Pustaka[uah | uah wit]

  1. ^ a b c "Tangkubanparahu". Global Volcanism Program. Smithsonian Institution.