Giling-giling

Saking Wikipédia
Loncat ke navigasi Loncat ke pencarian
Jaja Giling-giling
Giling-giling Top View.jpg
Jaja Giling-giling
saking Pasar Desa Mas, Gianyar
TipéJaja
Mawit sakingIndonesia
Wawengkon utawi wewidanganBali
Suhu penyajiansuhu ruangan
Bahan utamatepung kanji, tepung terigu, yéh, uyah, nyuh, gula Bali miwah pewarna

Jaja giling-giling inggih punika silih sinunggil soroh sanganan Bali. Jaja giling-giling wentuknyané lanjar-lanjar. Jaja giling-giling malakar aji tepung kanji, tepung terigu, yéh, uyah, nyuh, gula Bali miwah pewarna. Tata cara ngaryanin jaja giling-giling inggih punika tepung kanji, tepung terigu, uyah, miwah yéh kacampur dados siki. Yéning sampun kalis, adonan punika kacampur pewarna makanan mangda warnan jaja giling-gilingé becik. Yéning sampun macampur tekén pewarna makanan, adonan punika kagiling besik-besik kantos wentuknyané lanjar-lanjar. Sawiréh ngaryanin jaja puniki kagiling-giling, nika mawinan jaja puniki kawastanin jaja giling-giling. Lantas jaja sané sampun kawentuk punika kalablab kantos ngambang ka baduur yéh sané anggona nglablab. Yéning sampun dingin, jaja giling-giling kaisinin nyuh sané sampun makikih miwah gula Bali tur sampun sadia dados sanganan. Ring wawidangan tiosan, jaja giling-giling kawastanin jaja cenil. Jaja giling-giling makéh kaadol ring pasar tradisional.[1]

Pustaka[uah | uah wit]