Gerhana Bulan

Saking Wikipédia
Cebur nuju navigasi Cebur nuju parerehan
Gerhana Bulan
Gambar kawéntenan gerhana bulan
Diagram gerhana bulan: bayangan gumi sané ngengkebang bulan

Gerhana Bulan (utawi Candra kapangan) inggih punika silih tunggil pénoména alam sané wénten ring jagaté. Gerhana bulan wénten ri tatkala pahan utawi makasami panampang bulan katutupin olih gumi. Nika krana genah bumi wénten ring tengahing matanai miwah bulan, sané ngranayang sinar matanain nénten prasida ngantos ka bulan.[1]

Soroh Gerhana Bulan[uah | uah wit]

  • Gerhana Bulan Total (Jangkep), gerhana bulan total kapah dados kalih pahan, inggih punika gerhana bulan total negatip miwah gerhana bulan total positip. Gerhana bulan total negatip inggih punika ri tatkala bulan magenah ring wewengkon NTT miwah warna bulan dados warna barak, nanging nénten makasami. Gerhana bulan total positip inggih punika ri tatkala bulan magenah ring pusat wewengkon umbra, tur warnannyané dadi barak makasami.
  • Gerhana Bulan Sebagian (Abagian), ri tatkala bumi nénten nutupin makasami pahan saking bulan. Lianan saking punika wénten pahan saking bulan sané magenah ring wewengkon penumbra. Nika mawinan wénten sinar matanai sané kantun prasida ngantos ka bulan.
  • Gerhana Bulan Penumbra (Panumbra), ri tatkala makasami permukaan bulan magenah ring panumbra, nika mawinan bulan kantun prasida kacingak tur mawarna suram.

Lelintihan Gerhana Bulan ring Bali[uah | uah wit]

Ring Bali, wénten carita indik Kala Rau sané dados kaprecayan para kramané. Carita Kala Rau punika dados lelintihan saking kawéntenan Gerhana Bulan ring Bali. Kacrita Kala Rau sané ngamolihang tirta amertha, Déwa Wisnu sané uning indik punika, motong baong Kala Rau ngantos pegat. Nika mawinan ri tatkala Kala Rau nadah Déwi Ratih, Déwi Ratih utawi bulan punika prasida medal saking baong Kala Rau sané sampun pegat. Peristiwa bulan sané katadah olih Kala Rau, kaprecaya olih kramané dados peristiwa gerhana bulan.[2]

Galeri[uah | uah wit]

Pustaka[uah | uah wit]

  1. Media, Kompas Cyber (2020-01-11). "Gerhana Bulan: Pengertian, Proses, dan Penampakannya di Indonésia Halaman all". KOMPAS.com (ring Indonesia). Kaakses 2021-05-26.
  2. Indonesia, C. N. N. "Folklor Gerhana Bulan dari Bali, Cinta Raksasa yang Tertolak". hiburan (ring Indonesia). Kaakses 2021-09-07.