Gde Aryantha Soethama
| Gde Aryantha Soethama | |
|---|---|
| Embas | 15 Juli 1955 Klungkung, Bali |
| Mabangsa | Indonésia |
| Pakaryan | pangadeg penerbit Prasasti |
| Kauningin | pangawi sastra Bali |
Gde Aryantha Soethama (aksara Bali: gdeᵒaŕyanṭasoweṭama, embas ring Klungkung, Bali, 15 Juli 1955;yusa 69) inggih punika silih tunggil pangawi sastra Bali. Ida ngawitin nyurat puisi saking kantun truna. Ring warsa 1970, suratan pertamannyané kamuat ring majalah Selecta, ring rubrik "Apakah Anda berbakat Jadi Wartawan?" saking galahe punika, tiosan nyurat Gde taler madué sesenengan ring kesenian. Ida dados Ketua II ring Sanggar Pos Remaja, komunitas kreatif binaan harian ring Bali Post, sané magelaran ring Malam Kesenian Remaja II ring Dénpasar (1978), nyuratang skénario penyuluhan ring RRI Dénpasar (1979-1981).[1]
Idané kauningin ring makudang-kudang sasuratan sastrannyané sané marupa satua cutet, novel, miwah esai sané kawedar ring media massa, sekadi ring Kompas, Bali Post, Sinar Harapan, miwah sané siosan. Muputang ajah-ajahan ring Fakultas Peternakan Universitas Udayana. Dané naenin maka pamucuk redaksi mingguan Karya Bhakti 1981-1987 miwah maka redaktur harian Nusa Tenggara 1989-1990. Duk warsa 1979 ngantos warsa 1981, nyabran kalih wuku, dané ngaryanin skenario penyuluhan peternakan raris kasolahang ring Stasiun TVRI Denpasar. sané mangkin dané aktif nyurat esai budaya miwah satua cutet, sinambi ngaremba penerbitan miwah percetakannyane.
Ring warsa 2006, buku pupulan satua cutetnyané sané mamurda Mandi Api ngamolihang panugrahan Kusalya Sastra Khatulistiwa ring widang prosa. Karya sastra Idané inggih punika:
- Wawancara Jurnalistik widang jurnalistik
- Koran Kampus widang jurnalistik
- Menjadi Wartawan Désa widang jurnalistik
- Tak Jadi Mati pupulan satua cutet (1984)
- Langit Dibelah Dua naskah drama (1984)
- Daérah Baru pupulan satua cutet (1985)
- Koran Kampus (1986)
- Suzan Wanita Amérika Dibunuh di Ubud, novel
- Pilihanku Guru Senja di Candi Dasa, novel
- Bali is Bali pupulan esai (2003)
- Basa Basi Bali pupulan esai (2002)
- Bali Tikam Bali pupulan esai (2004)
- Bolak Balik Bali pupulan esai
- Mandi Api pupulan cerpen, (2006) kasalin antuk basa Inggris olih Vern Cock antuk murda Ordeal by Fire.
- Dari Bule Jadi Bali pupulan esai (2010)
- Jangan Mati di Bali pupulan esai (2011)
- Menitip Mayat di Bali pupulan esai (2016)
- ↑ Ida Ayu Ketut Candrawati (2009). Bibliografi Sastrawan Bali. Jakarta: Dinas Kebudayaan Provinsi Bali. p. 246. ISBN 978-602-95548-4-7.
