Final Piala Jagat FIFA 1938 inggih punika édisi katiga saking laga wimbakara sépakbola nyabran papat warsa sané kasarengin olih tim nasional putra FIFA antuk nentuang jayanti Piala Jagat FIFA 1938: Itali lan Hungaria. Itali ngapertahanang gelar jayantiné antuk skor 4-2 ring wimbakara ungkur sadurung Yuda Jagat II. Laga final kamargiang ring Stade Olympique de Colombes, Paris. Pasukan Italia kaamong Vittorio Pozzo ngamimoin dumunan, sakéwanten Hungaria nyapihang skor ring galah kalih menit. Itali gelis mawali kimoin, lan ring ungkur babak kapertama mimpin saking Hungaria 3–1. Antuk skor 4–2, Itali sukses ngapertahanag gelarné, manadosang tim perdana sané polih jayanti ring dura negara.
Jadma ungkur sané urip saking laga final nika inggih punika Pietro Rava saking Itali, sané séda ring tanggal 5 Nopémber 2006 daweg nika mayusa 90 warsa.[1]
Sesampun nem menit, Gino Colaussi ngabuka skor antuk Itali; Pál Titkos nyapihang skor antuk Hungaria kalih menit sesampunné, sakéwanten ritatkala laga wawu mamargi saperapat jam, Italial mawali mimpin saking gol Silvio Piola. Dasa menit sadurung prai, Itali ngagengang kaunggulan ipun dados 3-1 sesamoin Colaussi sané nénten kakawal ngaripta gol kaping kalihné. Ring patengahan babak kalih, kaptén Hungaria György Sárosi ngeranayang timnya mawali wantah maselisih agol saking tim Itali, sakéwanten kutus menit masisa, Piola ngaripta gol kakalihné antuk ngajangkepin kamenangan 4-2 antuk Itali.[2]
.jpg)
Norwégia
Hindia Belanda
Prancis
Swiss
Brasil
Swédia
