Dalem Bekung

Saking Wikipédia

Dalem Bekung utawi Pamayun inggih punika raja Bali ring abad ka-16. Ida anggan wangsa raja sané mawit saking Kamaharajan Majapahit ring pulo Jawa, miwah nitah saking puri Gélgél.

Sekongkel miwah Palawan[uah | uah wit]

Sumber utama indik masa nitahné Dalem Bekung inggih punika Babad Dalem, babad saking abad ka-18.[1] Dalem Bekung inggih punika putran raja Dalem Baturenggong, raja sané jaya ring rat. Dalem Bekung kadadosang raja ri kala ida kantun alit. Pamanné Déwa Anggungan meled dados raja miwah kasarengin olih bangsawan Batan Jeruk sané ngrampas Dalem Bekung miwah sametonné Seganing pinaka pangemongné. Batan Jeruk pramangkin arepin palawan ageng saking makasami bangsawan lianan raris kalih raja putra kaslametang. Batan Jeruk rarud raris kasédaang olih parajurit. Raris pasametonanné Batan Jeruk ngadegang Krajan Karangasem ring Bali wétan. Yéning Déwa Anggungan nénten kasédaang sakéwanten kaicalan kastanné pinaka Ksatria. Lelintahan punika kirang-langkung dados ring warsa 1556-1558.

Dalem Bekung dados raja sané nénten mapikolih; punika mawinan bangsawan-bangsawan sampun nénten ngajinang miwah nyinggihang ida malih. Dalem Bekung ninggalang indik-indik negara ring Patih Agungé, Nginte.[2]

Kaonyan olih Anak Jawa[uah | uah wit]

Nuju wusan urip Dalem Bekung, ida ngutus parajurit mangda nulungin Krajan Blambangan ring Jawa wétan sané kantun Hindu lawan Pasuruan, labuhan miwah krajan ring pasih kalér Jawa sakéwanten kakaonang miwah Jelantik sané dados murdané kasédaang. Malih ajebos sasampun kaonyanné punika Dalem Bekung taler séda. Wastannyané sajatinné pungkusan sané artiné "sané nénten madué pianak". Sasampun sédané Dalem Bekung, sametonné Seganing kadadosang raja.[3]

Pustaka[uah | uah wit]

  1. I Wayan Warna et al. (tr.), Babad Dalem. Teks dan Terjemahan. Denpasar: Dinas Pendidikan dan Kebudayaan Daérah Tingkat I Bali 1986.
  2. I B. Rai Putra, Babad Dalem. Denpasar: Upada Sastra 1991, p. 59.
  3. C.C. Berg, De middeljavaansche historische traditië. Santpoort: Mees 1927, pp. 144-54.