Cheetah
| Cheetah | |
|---|---|
| |
| |
| Klasifikasi ilmiah | |
| Domain
|
|
| Krajaan
|
|
| Filum
|
|
| Kelas
|
|
| Bangsa
|
|
| Subbangsa
|
|
| Familia
|
|
| Subfamilia
|
|
| Marga
|
|
| Spésiés
|
Acinonyx jubatus
|
Cheetah (Acinonyx jubatus) inggih punika spésiés mamalia saking kulawarga Felidae lan saking ordo Carnivora, asli saking Afrika lan Timur Tengah. Cheetah puniki kaloktah dados buron darat sané pinih gelis ring jagate. Kacepatannyane prasida ngantos 110 km/jam ring galah tigang detik. Ring tanggal 20 Juni 2012, wenten cheetah istri sané mawasta Sarah ngawentenang rekor dunia ring lomba 100 meter pantaraning buron ring Amerika Serikat, nglaksanayang jarak puniki antuk galah 5,95 detik. Lomba punika kamargiang ring kebun binatang ring kota Cincinnati. Cheetah puniki mabinayan sareng Felidae sané lianan. Awaknyane ramping, lentur lan madué otot sané sampun nglimbak becik. Cheetah madué sirah sane alit, mata sané tegeh lan kuping sane alit, inggih punika struktur awak sané aerodinamis, sané mawiguna anggen kenyamanan sané becikan rikala malaib. Cheetah taler madué paru-paru sané ageng, sané nglimbak santukan angkihannyane sané intens rikala malaib. Warnannyane kuning, madué bintik-bintik ireng alit ring awaknyane lan garis-garis ireng tipis ring sisi-sisi bongkolnyane.