Candi Pawon
| Candi Pawon | |
|---|---|
 Sudut kaja kauh ring Candi Pawon. | |
  Genah ring nusa Jawa | |
| Inpormasi umum | |
| Pakem Undagi | Candi Jawatengahan |
| Kota | Kabupatén Magelang, Jawa Tengah |
| Negara | Indonésia |
| Puput | ring mula abad ka-9 M |
| Klien | Sailendra |
Candi Pawon inggih punika silih tunggil candi macorak Buddha sané wénten ring Indonésia. Candi Pawon magenah ring désa Borobudur, Kecamatan Borobudur, Kabupatén Magelang, Propinsi Jawa Tengah. Candi puniki madué wastan lianan inggih punika Candi Brajanalan. Candi Pawon madué asiki garis lurus sareng Candi Borobudur miwah Candi Mendut. Nika mawinan tatiga candi punika madué paiketan, tur prasida kacingak saking ukirannyané sané pateh. Kruna Pawon mawit saking kruna pawuan sané madué artos genah nyimpen awu (abu). Candi Pawon diperkirakan kaanggén genah nyimpen abu Raja Indra, ajin Raja Samarrattungga saking Dinasti Syailendra. Ring tengah candi punika diperkirakan sadurungnyané wénten arca Bodhhisatwa sané kaanggén sarana penghormatan ring Raja Indra. Prasasti Karang Tengah nyobyahang indik arca punika sané metuang wajra utawi sinar.
Wewidangan Candi[uah | uah wit]
Candi Pawon madué batur candi kirang langkung 1,5 m tegehnyané. Alas utawi dasarnyané mawentuk segi pat. Dinding batur kahias antuk soroh ukiran bunga miwah sulur-suluran. Tubuh utawi ragan candi Pawon wentuknyané ramping sakadi candi Hindu. Kori candi puniki magenah ring sisi kauh miwah ring baduur kori wénten hiasan Kalamakara. Atap candi mawentuk persegi masusun sané kahias antuk dagoba (kubah). Ring arep candi wénten relung madaging ukiran Kuwera (Dewa kekayaan). Ring dinding kaja miwah kelod wénten relief Kinara miwah Kinari, inggih punika apasang paksi sané masirah manusa.[1]
Pustaka[uah | uah wit]
- ↑ "Candi Pawon (Jawa Tengah) - Kepustakaan Candi". candi.perpusnas.go.id. Kaarsipin saking versi asli tanggal 2020-02-13. Kaaksés 2020-05-09.