Ayam Ijo Biluk

Aksara Latin

Aksara Bali

Ayam Ijo Biluk
Satua
Aran	Ayam Ijo Biluk
Data
Gedong Kirtya	1679 / VI b
Mitologi	Tantri
Negara	Indonésia
Wewidangan	Bali

Satua Ayam Ijo Biluk (aksara Bali: ᵒayamaᵒijobiluk·) inggih punika silih tunggil satua Bali. Wit satua puniki tasih nenten kauningin. Mawit saking suratanné, satua niki rumasuk satua tantri. Naskah pinih lawas indik satua niki wenten ring koleksi Gedong Kirtya katalog nomor 1679 / VI b.

Daging satua

Kacerita wénten jadma mawasta I Gedé Tanggu maderbe pondok ring sisi kangin tur ipun madué sawitra saking Jawi magenah ring Banyuwangi, ipun nguwéhin I Gedé Tanggu ayam kalih diri luh miwah muani jagi kaanggén bibit makekalih ayam punika pateh mabulu ijo gading, dimpil sempret tur ikuh nyané sengker biluk ke samping.

Sané mangkin, kaceritayang Ayam punika sampun ageng tur sampun ngelah panak tur kapireng olih Ida Anak Agung ring Jembrana raris kanikayang ipun I Gedé Tanggu ngedih ayam sané muani punika, sawiréh I Gedé Tanggu bakti ring Ida Anak Agung Jembrana raris katuu ayame punika kacingak olih Ida Anak Agung miwah ayam punika kawastanin Ayam Ijo Biluk sawiren ikuh nyané sengker tur polih ring Désa Biluk.

Kirang langkung sampun wénten tigang sasih ayam punika kakurung ring puri Jembrana, sané mangkin kapireng Orti olih dané Ida Cokorda ring Mengwi raris Ipun ngutusang lingga tangan ngarsayang ayam punika majeng ring Ida Anak Agung Jembrana sawiréh Ida Anak Agung Jembrana bakti marep ring Ida Cokorda Mengwi raris kaicén ayam punika olih Anak Agung Jembrana jagi kabakta olih Ida Cokorda Mengwi. Risampuné ayam punika napak ring menguwi raris kapireng orti olih Ida Anak Agung ring Badung tur ida nelikin ayam druén Anak Agung Jembrana Punika raris ida Anak Agung Badung maprareman ring Bhagawan Ida tur ida matur kadi sambung nyané sekadi puniki yéning bantas ayam ijo titiang ten wénten meweh nandingin, kudang ayam marupa ijo pademang titiang ngantos kekaonang cokor I Dewa sami. Mirengang baos pedanda kadi asapunika raris Ida Anaké Agung Jembrana nangun kakelcan tur ngundang sahaning para agungé pinaka unteng nyane puniki jagi ngemesehin ayam druén Ida Anak Agung Jembrana.

Raris ida anak agung jembrana lunga ka badung sareng ida cokorda mengwi jagi ngadu ayamé punika.

Kapirengin orti raris ida pedanda ngeranjing ring pamerajan ida raris ida mapuja dados ayam marupa Wangkas Kuning wok tatah lambih, godeg arang raris keni sapa antuk Ida Hyang Mawisesa mangda ida séda ring payudan wiréh ida sampun maraga sadu kayuné kari sekadi dusta wenang malalingsen.

Kacaritayang mangkin, sampun rauh ring kaklecan katemu lantas druwén Ida Cokorda miwah druwén Ida Anak Agung Badung wantah ayam lalingsan punika. Risampuné mangkin puput mataji tur kabakta ring tengah kalangan antuk juru kembar irika raris ayam maka kalih mapalu ageng nanging maka kalih ayam punika nénten nyidayang ngutil tur nebek dadosne ayam punika kabaosang sapih katah sampun ayam punika kabaos sapih sawiréh Ida Sang Hyang meraga Wisésa sampun ngarding pamargi kadi asapunika, raris para agungé budal duaning sampun soré.

Kacritayang mangkin Ida Cokorda bau sampun rauh ring puri neked ring puri ayam ida raris padem asapunika taler Ida Anaké Agung ring Badung nyingakin bhagawan ida sampun séda, raris layon ida wénten tumbuh ayam Wangkas kuning, wok tlatah lambih, godeg arang sekadi rupan ida pedanda ri kala mapuja dados ayam raos Ida Anak Agung Rsi Nambi.