Wargasari Tutuan

Aksara Latin

Aksara Bali

Kidung Wargasari Tutuan (aksara Bali: waŕgasaritutuwan·) inggih punika silih tunggil kidung dewa yadnya.

Daging kidung

“ Titiang nunas lugra Ratu, Ngaturin Bhatara medal, Duh rengen pukulun ngaksi, Mangde tan ketaman sisip, Kenak Ratu mahecayang, Suka purna dirgaayu, titiang matur Bakti.

Kukus menyan ganda madu, Hyang Dewa Gana ngalejeg, Maka pengundang Hyang sami, Kang lanang kang putu istri, Makumpul ring pesamuan, Titiang matur luput, Kenak Ida manu dianin.

Cecepan penastan suluh, Lantaran muang tigasan, Pabresihan lenga wangi, Canang pangraose sampun, Gegandaran burat wangi.

Pemendake canang harum, Suci daksina muang peras, Penyeneng pamiat elis, Ajuman putih muang kuning, Segeh agung tabuh arak, Palinggihe lawe sesantun, Pema beras muang pipis.

Mangerenga Bhatara tedun, Sinamian lanang wadon, Katuran puja walia, Maring penataran resi, Kaget prapta ring Khayangan, Wus Ida matata lungguh, Sareng muang pangiring.

Pengaksamane kaluhur, Manunas wara nugraha, Sinunganing dirga urip, Raga panungtung dirine, Baya biya widhine nuduh, Catung nguning urip.

”

Pustaka

Mal:Kidung-stub