Uranus

Saking Wikipédia
Uranus

Uranus (simbol: ⛢) inggih punika planét kapitu saking Matahari. Uranus punika madué jari-jari kaping tiga pinih ageng ring Tata Surya miwah massa kaping pat pinih ageng ring Tata Surya. Planét puniki wastannyané mawit saking tokoh ring mitologi Yunani inggih punika déwa langit Yunani Ouranos. Atmosfer Uranus pateh sareng Jupiter miwah Saturnus krana dagingnyané hidrogén miwah hélium, nanging madué akéh datu es sakadi yéh, amonia, miwah métana. Planét Uranus dados planét sané pinih dingin ring Tata Surya, suhu sané pinih dingin inggih punika 49 K (−224 °C; −371 °F).[1] Ring madya planét Uranus wénten és miwah batu. Uranus madué sistem bungkung, magnétosfer, miwah satelit alami. Kecepatan angin ring permukaan Uranus inggih punika ngantos 250 méter per detik (900 km/h; 560 mph).

Pustaka[uah | uah wit]

  1. Lindal, G.F. (1987). "The Atmosphere of Uranus: Results of Radio Occultation Measurements with Voyager 2". J. Of Geophys. Res. 92: 14,987–15,001. doi:10.1029/JA092iA13p14987