Umah Kebaya
Umah Kebaya inggih punika silih tunggil umah tradisional parajana Betawi sane wenten ring DKI Jakarta. Kabaos pinaka Umah Kebaya, duaning pindan raabnyane marupa pelana sane malipet tur yening saking samping lipetan punika kapanggih minakadi kebaya. [1]
Pahan Umah Kebaya[uah | uah wit]
Umah Kebaya kakepah dados tiga inggih punika ajeng, tengah, miwah ungkur. Genah ring ajeng ketah kabaos serambi depan, duaning kawentenannyane mabukak. Genah sane ring tengah ketah kabaos ruang dalam sane madaging pasirepan, pawaregan, miwah pendaringan. Miwah ring ungkur kanggen pinaka genah nyimpen piranti-piranti pertanian miwah saang. [1]
Manut sifatnyane umah puniki kakepah dados kalih inggih punika ring ajeng madue sifat semi publik mangda makasami prasida manggihin kaasrian miwah ngrasayang tisnyane umahe punika. Miwah sane ping kalih inggih punika ring ungkur sifatnyane pribadi. Genah puniki wantah dados kapanggihin olih sang sane nuenin umah miwah sametonnyane kemanten. [2]
Caciren[uah | uah wit]
Umah Kebaya madue ciri khas inggih punika ampik sane jimbar sane kawigunayang nyanggra tamiu miwah manados genah kulawarga masandekan. Dumun, parajana ring Betawi makarya semer ring ajeng miwah pemakaman sane magenah ring samping umah. Taler tembok umah punika kakaryanin mangda prasida kabukak. Puniki tatujonnyane mangda Umah Kebaya karasayang lebih jimbar. [2]
Pustaka[uah | uah wit]
- ↑ 1,0 1,1 Media, Kompas Cyber (2021-01-28). "Rumah Kebaya, Rumah Tradisional Betawi Halaman all". KOMPAS.com (ring Indonesia). Kaaksés 2023-02-13.
- ↑ 2,0 2,1 "KebudaYaanIndonesia.com is for sale". HugeDomains (ring Inggris). Kaaksés 2023-02-13.