Umah Honai
Umah Honai inggih punika umah tradisional sane magenah ring Papua Pegunungan pamekasnyane ring wong Dani.[1] Umah Honai utawi Umah Onai mawentuk bulet sadarana antuk jelanan alit miwah nenten kajangkepin antuk jendela. Wenten taler sane mawentuk persegi panjang, soroh umah puniki kawastanin Ebe'ai utawi Honai Perempua. Tegeh umah puniki kirang langkung 2,5 meter sane kapah dados kalih ingih puniki bataran teben miwah bataran duuran. Bataran teben prasida kanggen pasirepan, bataran duuran kanggen genah ngamargiang parikrama sarahina minakadi ngajeng, masandekan, miwah makarya kerajinan. Ring bataran teben, wenten sane kawastanin hipere inggih punika genah api unggun sane kanggen ngerateng utawi ngangetin padewekan.[2] Umah Honai puniki mawenten sadarana duaning wenten tatujonnyane inggih punika mangda marasa anget meneng ring tengahnyane. Tiosan punika Umah Honai sane sadarana matatujon mangda sane nuenin umah dangan yening jagi pindah-pindah. Wenten tigang soroh Umah Honai inggih punika Umah Honai sane kanggen anak lanang, Umah Ebai sane kanggen anak istri, miwah Umah Wamai sane kanggen antuk buron.
Kawigunan[uah | uah wit]
Tiosan ring pinaka genah meneng, Umah Honai taler madue kawigunan sane tiosan inggih punika minakadi puniki. Sane kapertama, Umah Honai mawiguna pinaka genah nyimpen piranti perang miwah piranti saking tetamian. Tiosan punika, Umah Honai miwah anak lanang kajahin indik strategi perang. Ping kalih, Umah Honai kadadosang genah nyimpen umbi miwah asil tegal. Wenten taler Honai sane kawangun pamekasnyane kanggen pengasapan mumi, Honai puniika kapanggihin ring Desa Aikima ring Lembah Baliem. [3]
Pustaka[uah | uah wit]
- ↑ Selayang Pandang Papua. Klaten: Intan Perwira. 2018. pp. 41–42. ISBN 978-979-28-2501-5.
- ↑ Utami, Rizky (2021). Ensiklopedia Rumah-Rumah Adat Nusantara. Bandung: CV. Angkasa. p. 133. ISBN 978-623-340-133-3.
- ↑ ADMINISTRATOR, ADMINISTRATOR (2019-08-26). "Rumah Honai, Kekayaan Arsitektur Hijau dari Papua". Indonesia.go.id. Kaaksés 2023-02-17.