Umah Dalam Loka

Umah Dalam Loka inggih punika umah adat sane wenten ring Provinsi Nusa Tenggara Barat (NTB). Umah Dalam Loka inggih punika paninggalan sejarah saking kaerajaan Sumbawa sane kawangun duk warsa 1885 olih Sultan Muhammad Jalaluddin III (1983-1931).

Umah Dalam Loka inggih punika desain asli genah meneng raja-raja ring Sumbawa. Pengaruh budaya Islam ring wawidangan puniki daweg punika ngawinang makasami aspek adat miwah kesukuan parajana ring Sumbawa ngranjing ring nilai-nilai Syariah Islam.

Umah adat Dalam Loka mawentuk umah pangggung sane jimbar wangunannyane kirang langkung 904 meter persegi. Umah Dalam Loka kapanggih dahat ageng. Umah sane kawangun antuk bahan kayu puniki madue filosofi "adat berenti ko syara, syara barenti ko kitabullah", sane artosnyane makasami awig-awig utawi nilai-nilai ring kahuripan krama Sumbawa patut kadasarin antuk syariat Islam.

Pahan Umah

Ring Umah Dalam Loka wenten makudang-kudang pahan umah minakadi ring puniki. Ring ajeng kabaos Lunyuk Agung utawi Paseban Agung sane mawiguna pinaka Balairunag Sari, genah paparuman, miwah upacara kerajaan. Ring samping genah punika, wenten sane kabaos Lunyuk Mas inggih punika genah malinggih permaisuri miwah para istri pembesar. Jeroan sisi kauh wenten bilik-bilik sane marerod saking kelod ngajanang. Urutannyane inggih punika kamar shalat raja, repan peraduan raja, repan permaisuri, miwah genah permaisuri nyanggra tamiu. Jeroan sisi kangin wenten patpat bilik sane kanggen olih okan-okan raja sane sampun marabian. Bilik sane wenten ring buju kaja kanggen olih pengasuh rumah tangga. Ruang tengah ring sajeroning jeroan sisi kauh miwah jeroan sisi kangin kanggen pinaka genah mapupul para dayang, miwah genah pisuguh ring saluir upaara. Ruang belakang nyambung sareng pawaregan.