Umah Bubungan Tinggi
Umah Bubungan Tinggi inggih punika silih tunggil umah tradisional suku Banjar ring Kalimantan Selatan. Umah puniki silih tunggil soroh umah Baanjung. Umah puniki umah sane kaloktah duaning manados maskot umah adat khas Provinsi Kalimantan Selatan. Umah Bubungan Tinggi mirip sareng umah tradisional Betawi sane kabaos Umah Bapang, sakewanten Umah Bubungan Tinggi kawangun mapinda panggung miwah madue anjung ring sisi kiri miwah kanan. [1]
Caciren[uah | uah wit]
Manut Tim Depdikbud Kalimantan Selatan, caciren Umah Bubungan Tinggi inggih punika minakadi ring sor.
- Raab sindang langit nenten nganggen plapon.
- Undagan ngranjing ka umah puniki akehnyane ganjil.
- Pamedangan utawi surambi atas kaias antuk kandang rasi sane maukir.
Ukuran[uah | uah wit]
Ukuran tegeh, lebar, miwah panjang umah adat Banjar ketahnyane matiosan. Puniki duaning ukurannyane nganutin ukuran depa utawi jengkal. Ukuran depa punika kambil saking tangan sane nuenin umah, dadosnyane ukuran umah matiosan. Wenten kaprecayan irika sane maosang saluir ukuran patut ganjil. Sane akehnyane ganjil punika nenten wantah ukuran, sakewanten taler ring iasan, undagan, layang-layang puncak, miwah sane tiosan. Yening kaukur, panjang wangunan induk umah adat Banjar ketahnyane inggih punika 31 meter, lebar wangunan induk inggih punika 7 meter, miwah lebar anjung inggih punika soang-soang 5 meter. Bataran saking permukaan tanah kirang langkung 2 meter , jarak bataran pinih endep 1 meter.
Pahan Umah[uah | uah wit]
Ring Umah Bubungan Tinggi kakepah manados makudang-kudang ruangan minakadi palatar inggih punika ruang depan utawi genah kapertama ring Umah Bubungan Tinggi. Genah puniki maukuran 7 x 3 meter. Palatar taler kabaos pamedangan. Salanturnyana wenten pacira. Pacira puniki kapah dados kalih, wenten pacira dalam miwah pacira luar. Kawigunan pacira dalam inggih punika pinaka genah nyimpen piranti ka sawah, ngejuk be, miwah piranti nukang. Makakalih pacira puniki binannyane wantah ring genah kemanten. Pacira luar magenah ring ajeng Lawang hadapan. Salanturnyane wenten panampik kacil inggih punika genah alit maukuran 7 x 3 meter sane kanggen nyanggra tamiu magenah ring ajeng. Panampik tangah inggih punika genah nyanggra tamiu sane lebih jimbar saking panampik kacil. Panampik basar utawi ambin saayup inggih punika genah tamiu sane majeng ka tengah, ukuran genah puniki 7 x 5 meter. Palidangan utawi ambin dalam inggih punika genah sane mawates antuk panampik basar. Genah puniki maukuran 7 x7 meter sane magenah ring tengah umah sane madaging tiang-tiang ageng akehnyane akutus. Tiang-tiang puniki kabaos tihan pitugur utawi tihang guru. Salanturnyane wenten panampik dalam utawi panampik bawah sane maukuran 7 x 5 meter. Padapuran utawi padu inggih punika genah pinih untat sane magenah ring ungkur umah. Genah puniki kapah manados atangan utawi genah ngrateng miwah salaian utawi genah ngetuhang saang, pajijiban miwah pagaduran utawi genah ngwangsuh perabotan utawi panggange. Ukuran ruangan puniki 7 x 3 meter. [2]
Pustaka[uah | uah wit]
- ↑ bpcbkaltim (2016-07-26). "Rumah Tradisional Bubungan Tinggi". Balai Pelestarian Cagar Budaya Provinsi Kalimantan Timur (ring Inggris). Kaarsipin saking versi asli tanggal 2023-03-07. Kaaksés 2023-02-15.
- ↑ Media, Kompas Cyber (2021-01-21). "Rumah Bubungan Tinggi, Rumah Tradisional Kalimantan Selatan Halaman all". KOMPAS.com (ring Indonesia). Kaaksés 2023-02-15.