Umah Bubungan Lima
Umah Bubungan Lima inggih punika umah adat saking provinsi Bengkulu. Umah puniki madue pinda minakadi umah panggung sane ngadeg antuk tiang. Umah puniki nenten tegeh. Umah puniki ketah kanggen ngamargiang parikrama adat parajana ring Bengkulu. [1]
Caciren Umah[uah | uah wit]
Umah Bubungan Lima madue ciri khas minakadi raabnyane sane matumpuk-tumpuk manut ring wastanyane. Raabnyane saking duk jaka, sake wanten mangkin taler sampun wenten sane nganggen seng. Tiosan ring raabnyane, umah adat Bengkulu puniki madue 15 tiang sane kanggen ngadegang umah puniki sane tegehnyane 1,8 meter sane tahan linuh. Tiosan punika, akeh undagan ring umah puniki akehnyane ganjil sane kaprecaya mawiguna ring upacara pawiwahan, nyanggra tamiu, kelahiran miwah kematian. Ring teben umah puniki kanggen ngenahang gerobag, asil pertanian, kandang, miwah sane tiosan.
Pahan miwah Kawigunan Umah[uah | uah wit]
Ring umah puniki wenten sane mawasta Barendo, genah puniki kanggen genah nyanggra tamiu sane durung kakenal, miwah galahnyane nenten sue. Genah puniki kadadosang genah mapalalianan antuk anak-anak Barendo. Hall inggih punika genah sane kanggen nyanggra tamiu sane sampun kakenal utawi kauningin minakadi sameton, taler genah puniki kanggen genah mababaosan ritatkala wengi, genah malajah utawi mengaji sareng kulawarga. Bilik gedungmarupa pasirepan sane kanggen genah sirep sang alaki-rabbi miwah okan-okannyane. Bilik gadis marupa pasirepan sane pamekasnyane kanggen genah sirep anak bajang. Genah puniki ketahnyane magenah ring masampingan sareng bilik gedung mangda dangan pengawasan miwah keamanan. Ruang tengah inggih punika genah nyanggra tamiu ibu rumah tangga. Ring genahe puniki nenten wenten perabotan rumah tangga sajaba tikeh sane kanggen tamiu. Genah puniki taler dados kanggen genah malajah mengaji utawi genah sirep anak teruna. Garang inggih punika genah sane kanggen ngenahang gebeh , ring genahe puniki taler kanggen genah ngumbah perabotan utawi ngwangsuh cokor. Ring umahe puniki taler wenten pawaregan sane kawigunannyane kanggen genah ngrateng. Berendo belakang inggih punika pinaka genah masandekan anak istri-istri rikala siang utawi sore. [2]
Pustaka[uah | uah wit]
- ↑ "Kebudayaan Indonesia". web.archive.org. 2014-05-19. Kaarsipin saking versi asli tanggal 2014-05-19. Kaaksés 2023-02-15.
- ↑ Windhiari, Wilujeng Dwi (2017). Yuk, mengenal rumah tradisional Sumatra. Indonesia. Badan Pengembangan dan Pembinaan Bahasa. Jakarta. ISBN 978-602-437-251-4. OCLC 1023825263.