USS McMorris

Saking Wikipédia
USS McMorris (DE-1036) nuju Oahu ring 10 Maret 1972
Lelintihan
 Amérika Serikat
Aran: USS McMorris (DE-1036)
Mawit:Charles McMorris
Pawangun: Avondale Marine Ways, Avondale, Louisiana
Kaluncurang: 26 Méi 1959
Katugasang: 4 Maret 1960
Stricken: 16 Désémber 1974
Fate: Kaadol majeng Indonésia, Désémber 1974
 Indonésia
Aran: KRI Ngurah Rai (D-3/D-344)
Mawit:I Gusti Ngurah Rai
Kaakusisi: 1 Désémber 1974
Kapurnatugasang: 2 Januari 2003
Status: Kabébas tugasang; ngantosang pambongkaran
Ceciren umum
Type: Kapal parusak kawal
Bobot:
  • 1,314 ton panjang (1,335 t)standard
  • 1,970 ton panjang (2,000 t)full load
Lantang: 312 ft (95 m)
Balok: 38 ft 10 in (11.84 m)
Sarat toya: 12 ft 1 in (3.68 m)
Propulsi:
  • 4 × Fairbanks-Morse 38ND8 Diesel
  • 9,240 shp; 7,000 bhp
  • 1 shaft
Kacepatan: 20–22 knot (37–41 km/h)
Jangkauan: 7,000 nmi (13,000 km)ring 12 kn (22 km/h)
Komplemén:
  • 171 total:
  • 12 Parwira
  • 159 tamtama
Piranti & umpan
patempuran élektronik:
AN/SPS-6E-2D radar parereh udara
Sanjata:

USS McMorris (DE-1036) silih tunggil kapal parusak kawal kelas Claud Jones Angkatan Segara Amérika Serikat saking 1960 ngantos 1974. Salantur nyané kaadol Indonésia kaaraanin antuk Ngurah Rai matugas ngantos warsa 2003

Lelintihan[uah | uah wit]

Angkatan Segara AS[uah | uah wit]

USS McMorris (DE-1036) kaaranin mawit Wakil Admiral Charles McMorris (1890-1952). Kakawitin kawangun ring 15 Nopémber 1958 olih American Ship Building Company, Lorain, Ohio AS miwah kaluncurang 26 Méi 1959 olih Galangan Kapal Avondale, Westwego, Louisiana, kasponsorin olih Biang. McMorris, janda saking Wakil Adm. McMorris. Kapal karesmiang tanggal 4 Maret 1960 ring Charleston, South Carolina, kapimpin olih Lt. Comdr. Martin Zenni.

Sesampun kasiapang ring Pasisi Kangin Amérika Serikat, McMorris kalanturang nuju Stasiun Kapal San Diego antuk ngaranjing Cruiser Destroyer Force, Armada Pasifik . Ring sasih April 1961, katempatang 6 sasih ring Kangin Doh. Ngawitin miwah muputang pamargi nyané ring Patroli Selat Taiwan, katugasin sareng Armada 7 seka yuda anti-kapal selam (ASW ), manados kapal stasiun ring Hong Kong miwah mangirimang barang nuju Jepang ring Segara Jepang. Swadharman ipun kamargiang pateh ring 3 tur selanturné ring Pasifik Kauh, paubahan kamargiang ring warsa 1965. Tanggal 17 Méi mamargi saking Pearl Harbor, sané manados labuhan anyar saking Januari, antuk nyarengin Vietnam. Manados andalan Komandan Escort Squadron 5 (CortRon 5), minyarengin Operasi Galah Pasar, punika operasi parerehan miwah panilikan sareng Armada Jung Angkatan Segara Républik Viétnam.[1]

Kaulihang nuju Hawaii ring ungkur Agustus miwah katugasang ring Satgas 92, miwah dados andalan antuk CortRon 11, taler kadadosang kapal utama untuk CortRon 7 ring operasi konvoi. McMorris maoperasi ring Segara China Kelod minyarengin kalih kapal pesiar, satunggal nuju Pasifik Kalér miwah liyané nuju Pasifik Selatan, sané kapuputang sadurung pangujing warsa.

Ring latihan ASW lepas pasih Hawaii tanggal 31 Januari 1967, McMorris mapalu sareng kapal tanker bensin USS Tombigbee (AOG-11). Kalih jatma padem miwah pitu matatu ring kapal McMorris. Haluan Tombigbee ngantem McMorris ring sisi kiwa bingkai 87 ri kala ngamanuver ring galahé peteng. Sisi kapal uék garis toya saking bingkai 84 ngantos bingakai 93 ngalantang ring metén toya linggahné 90 & nbsp; cm, 2,40 m saking lunas saking duur kapal, saka undag rusak, petang kamar ring dek utama usak. Sinamian komunikasi miwah sinamian tenaga panggerak ical. McMorris katarik nuju Galangan Kapal Pearl Harbor antuk kabenahin.[2]

Minyarengin parkembangan Samudra Hindia ring warsa 1968-1969, ngalawatin parerehan Zond 5 ring sasih Séptémber 1968, kelas Claud Jones ngawentuk CortRon 1 sané anyar kakardi miwah katugasang ring Pasifik Kauh warsa 1969-1970 miwah 1970-1971. McMorris ngambil wagian ring makidang operasi khusus punika ipun mikoléhin Meritorious Unit Commendation. CortRon 1 talér polih panghargaan Battle "E" warsa 1971. Rikalas panempatan warsa 1970-1971, McMorris minyarengin operasi pamulihan kapsul satelit Corona miwah paluncuran rudal parusak peluru kendali Soviét.

Ring pabenahan ring Galangan Kapal Pearl Harbor warsa 1971, McMorris kadisain ulang jangkep saking titi duur. Katambahin ruang dek tambahan miwah antena komunikasi satelit kapasang ring duri tumpukan kakalih. Ipun ngalanturang Galah Pasar warsa 1972 miwah ngarauhin Ostrali miwah Selandia Anyar. Ring warsa 1973, minyarengin latihan LONGEX-73, latihan jangkepan angkatan segara Ostrali, Welanda, Selandia Anyar, Britania Raya miwah Amérika Serikat.[3]

Mawinan alit miwah pasanjataan, kapal kelas Claud Jones kacingak nénten kapal anti-kapal selam sané éféktif, kapurna tugasang sesampun 15 warsa dinas. Asapunika, McMorris kabébas tugasang ring Pearl Harbor tanggal 16 Désémber 1974.

Angkatan Segara Indonésia[uah | uah wit]

Papat kapal kelas-Claud Jones kaadol majeng Indonésia warsa 1974. McMorris kaaranin antuk KRI Ngurah Rai (D-3), mawit Pahlawan Nasional Indonésia Kolonél I Gusti Ngurah Rai. Nomor lambung kagentosin dados D-344 warsa 1982 miwah kapurna tugasang tanggal 2 Januari 2003.[4]

Pustaka[uah | uah wit]

Pranala jaba[uah | uah wit]