The Beatles
The Beatles | |
|---|---|
 | |
| Latar belakang | |
| Saking | Liverpool, Inggris |
| Genre | Rock, Pop |
| Warsa aktip | 1960-1970 |
| Label | Parlophone, Swan, Vee-Jay, Capitol Records, United Artist, Apple |
| Situs web | thebeatles |
| Mantan personil |
|
The Beatles inggih punika grup gegendingan saking Britania Agung. Kawentuk ring kota Liverpool warsa 1960. Grup gegendingan niki kauningin pinaka grup sane pinih sukses tur pinih akeh ngamolihang pujian ri sajeroning musik populer. Ring warsa 1962, The Beatles madue papat personil inggih punika John Lennon (gitar pengiring, vokal), Paul McCartney (gitar bass, vokal), George Harrison (gitar melodi, vokal) miwah Ringo Starr (drum, vokal). Kakawitin antuk aliran skiffle lan rock and roll 1950-an, grup niki taler mainin genre musik lianan sakadi folk rock kantos rock psikedelik, ngranjingang musik klasik lan sakancan unduk lianan ring musiknyane. The Beatles kasengguh pinaka wit ide-ide progresif sane banget madue pengaruh ri sajeroning revolusi sosial budaya ring dekade 60-an.
- Please Please Me (1963)
- With the Beatles (1963)
- A Hard Day's Night (1964)
- Beatles For Sale (1964)
- Help! (1965)
- Rubber Soul (1965)
- Revolver (1966)
- Sgt. Pepper's Lonely Hearts Club Band (1967)
- Magical Mystery Tour (1967)
- The Beatles (1968)
- Yellow Submarine (1969)
- Abbey Road (1969)
- Let it Be (1970)
- Now and Then (2023)
Babad[uah | uah wit]
Ngawentuk lan warsa pangawit (1957-1962)
Ri kala mayusa 16 taun, penyanyi lan gitaris John Lennon ngawentuk grup musik skiffle sane kawastanin The Quarrymen sareng sawitran-sawitrannyane sekolahnyane saking Liverpool bulan Maret 1957. Paul McCartney mayusa limolas taun dugas ia makadua matemu ring bulan Juli warsane nika. George Harrison sareng dados gitaris melodi ring bulan Februari warsa 1958 sawusan kaundang olih McCartney mabalih. Warsa 1960, sawitran-sawitran Lennon magedi saking band lan ia nglanturang ngranjing ring Liverpool College of Art. Maka tiga mainin musik rock and roll sabilang maan anak ane nepak drum. Lantas ring bulan Januari 1960, sawitran Lennon mawasta Stuart Sutcliffe ngranjing ring grup tur nyaranin ngentosang wastan band-ne dados The Beetles pinaka carane nyurahang rasa demennyane tekening Buddy Holly lan The Cricket, lantas mauwah malih dados The Beatals ring bulan-bulan salanturnyane ring warsane nika. Sawusan nyobak adan sane lianan, sakadi Johnny and the Moondogs, Long John and The Beetles dan The Silver Beatles, pamuputne wastan band nika dados The Beatles ring bulan Agustus. Kewala menejer band niki, Allan Williams stata kobet ngrereh drummer sane cocok. Sakonden bulan Agustuse puput, ia makejang nglaksanayang audisi lan mikolihang Pete Best, lan langsung kaajak ke Hamburg disubane petang dina, ngalinggatanganin kontrak lakar main musik sareng penyelenggara konser sane mawasta Bruno Koschmider 48 dina. Pertunjukkan Beatles lais pisan di Hamburg, irika ia ajak makejang main musik jam-jaman lan ngaenang jalane macet krana kaebekin baan penonton ane mabalih konser ia ajak makejang.
Harrison sane mayusa 17 taun ring bulan Agustus 1960, bogbog kapining petugas Jerman unduk yusannyane apanga ia kadadosang ngoyong di Hamburg. Pangawitne ia kagenahang di Indra Club, Koschmider lantas ngamindahang ia makejang ke Kaiserkeller ring bulan Oktober sawusan Indra katutup krana ngaenang uyut. Ri kala Beatles nglanggar kontrak antuk manggung di Top Ten Club sane dados lawanne, Koschmider nglaporang Harrison ane dugas nika konden cukup umur ring otoritas lan kadeportasi bulan November. McCartney lan Best masi katangkep krana kasus makar di kamar ia makejang di tengahin bulan Desember, sawusan nika ia makejang kadeportasi. Lennon mawali ke Liverpool ring tengahin Desember, lan Sutcliffe tetep ring Hamburg makudang-kudang bulan salanturnyane. Ia matunangan ngajak anak Jerman, Astrid Kirchherr sane kapertama ngambil goto profesional Beatles lan ngetep bok Sutcliffe nganggen gaya populer duk punika, exi (existensialis). Gaya getepan bok Sutcliffe lantas nginspirasi anggota Beatles sane lianan.