Tari Sekapur Sirih
Tari Sekapur Sirih inggih punika silih tunggil sasolahan tradisional sane wit saking wawidangan Jambi. Sasolahan puniki rumasuk soroh sasolahan panyambrama sane ketah kasolahang olih para pragina istri. Antuk busana adat taler kairing antuk alunan musik pangiring, pragina masolah antuk gerakan sane lemuh miwah maktayang cerano utawi wadah pinaka cihna yadnya. Tari Sekapur Sirih pinaka silih tunggil sasolahan tradisional sane kaloktah ring wawidangan Jambi miwah ketahnyane kasolahang nyambrama pangrauh tamiu kaping singgih sane rauh ka Propinsi Jambi. [1][2]
Manut lelintihannyane, Tari Sekapur Sirih kapertama karipta olih silih tunggil seniman sane kaloktah ring Jambi, mapesengan Firdaus Chatap. Raris, sasolahan puniki kauningayang majeng krama sami warsa 1962. Duaning daweg punika kantun pinaka gerakan dasar, makudang-kudang seniman ngawit nglimbakang sasolahan puniki. Antuk mengkolaborasikan antuk iringan musik miwah lagu, dadosnyane sayan menarik miwah saya kaloktah ring wwidangan parajana.
Tari Sekapur Sirih puniki kawigunayang pinaka sasolahan panyambarama para tamiu kaping singgih sane rauh merika. Sasolahan puniki kamaknain pinaka tikas keterbukaan parajana sajernoning nyanggra para tamiu. Tiosan punika, Tari Sekapur Sirih taler kamaknain pinaka rasa angayubagia nyanggra tamiu inucap. Sekapur Sirih ketahnyane kasolahang olih 9 pragina istri, miwah 3 pragina lanang, 1 sane madue amongan makta pajeng miwah 2 pinaka pengwal.[3]
Busana sane kanggen para pragina ring Tari Sekapur Sirih puniki ketah nganggen busaa tradisional. Busana punika minakadi baju kurung miwah kain songket khas Jambi. Ring duur pragina ketah nganggen sanggul tagel saking pandan, sunting beringin, miwah kembang goyang. Aksesorisnyane ketah nganggen tunjung, pending, gelang, miwah senteng sane kanggen masolah. Properti sane kanggen rin Tari Sekapur Sirih inggih punika cerano utawi wadah sane madaging don base, pajeng, miwah keris.[3]
Ring panglimbaknyane, Tari Sekapur Sirih kantun kalestariang miwah kalimbakang kantos mangkin. Akeh kreasi miwah variasi taler sering kasolahang sajeroning sasolahannyane mangda kacingak menarik, sakewanten nenten ngalahin cirih khas miwah keasliannyane. Sasolahan puniki taler kantun sering kasolahang sajeroning acara panyambrama tamiu penting ring Jambi. Yadiastun sayuaktinnyane ring Jambi kantun wenten makudang-kudang soroh sasolahan panyambrama tiosan, sakewanten Tari Sekapur Sirih kantun tetep manados sasolahan utama duaning nilai-nilai miwah filosofi sane wenten ring tengahnyane.
- ↑ "Tari Sekapur Sirih - Sejarah, Fungsi, Makna, Properti & Perkembangan". RimbaKita.com (ring Indonesia). 2022-06-18. Kaaksés 2023-03-06.
- ↑ "Tari Sekapur Sirih : Sejarah, Gerak, Kostum, Keunikan dan Daerahnya". Mediasiana.com - Media Pembelajaran Masakini (ring Indonesia). Kaaksés 2023-03-06.
- ↑ 3,0 3,1 Omed, Kata (2022-04-07). "10 Tari Adat Tradisonal Dari Sumatera Yang Terkenal". KATA OMED (ring Inggris). Kaaksés 2023-03-06.