Tari Rapa'i Geleng
Tari Rapai Geleng inggih punika sasolahan sané kaanggén antuk média dakwah sané kacihnayang ring wentuk sasolahan balih-balihan. Sasolahan puniki embas lan nglimbak ring Manggeng Acéh Barat Daya. Sasolahan puniki kantun nglimbak ring makasami sanggar ring Acéh, krana gerakannyané setata mauwah tur enggal. Sasolahan puniki nénten wantah padruwén krama Aneuk Jamee, nanging sampun kadruwénang olih makasami krama Acéh. Sasolahan puniki kasolahang nganggén basa Acéh sané kagendingang olih Cahi utawi sang sané magending tur kasarengin olih para praginané.[1]
Lelintihan[uah | uah wit]
Sasolahan puniki masaih sareng gerakan Tari Saman, nanging sarana miwah basa sané kanggén malianan. Sasolahan puniki kawéntenannyané sampun lami, nanging wawu kauningin olih para krama Acéh sasampun kasolahang ring Pekan Kebudayaan Acéh. Tari Rampai Geleng nganggén sarana Rapai sané kasarengin sareng gerakan sané unik manut irama rapai. Syair-syair sané kagendingang kasarengin sareng gerakan-gerakan pinaka sarana dakwah liwat seni. Rapai punika rasa syukur antuk kabecikan sané kapolihang ring pertanian utawi wewidangan ring kauripan sané lianan. Lianan saking punika, sasolahan puniki ketah kasolahang ring upakara pawiwahan, sunatan, miwah babalihan ring acara panyanggra tamiu kehormatan. Sasolahan puniki pinaka kawéntenan persembahan pinaka cihna rasa liang, punika kacihnain sareng puji-pujian majeng ring Allah SWT. Gerak tari miwah gendingnyané kakemas ring lengkara “la ilaha illallah”.[1]
Tata cara[uah | uah wit]
Pragina sané nyolahang sasolahan puniki sadurungnyané kasolahang olih anak lanang miwah ritatkala kalimbakang kasolahang olih anak istri sané kasolahang malinan. Punika krana mapaiketan sareng étika nilai-nilai pergaulan manut saking adat miwah hukum agama sané maiketan sareng paundukan unduk muhrim[2]
Pustaka[uah | uah wit]
- ↑ 1,0 1,1 Katalog Warisan Budaya Takbenda Indonesia 2018 Buku Satu. Jakarta: Direktorat Warisan dan Diplomasi Budaya Kementerian Pendidikan dan Kebudayaan. 2018. p. 29.
- ↑ "Tari Rapa'i Geleng". warisanbudaya.kemdikbud.go.id. Kaaksés 2024-06-07.