Tari Melinting
 Tari Mekinting | |
|---|---|
 Tari Melinting saking Lampung katampilin ring Purwakarta | |
| Aran asli | Tari Mekinting |
| Saking | Indonésia |
Tari Melinting inggih punika silih situnggil tari tradisional saking Lampung.[1] Tarian puniki mawit saking Melinting, Kecamatan Labuhan Meringgai, Kabupatén Lampung Timur. Tari Melinting nyaritayang indik kawagedan miwah keagungan Keratuan Melinting. Pertama, tarian puniki kaanggén antuk ngajangkepin upakara Gawi Adat, pinaka upakara keagungan Keratuan Melinting. Tari Melinting kalaksanayang ring balé adat. Tari puniki marupa tari kulawarga ratu, nika mawinan penarinyané kalaksanayang olih anak istri miwah lanang Keratuan Melinting.[2]
Ring warsa 1958 Tari Melinting kaanggén ring upakara sakral sakadi Gawi Adat manten, sakéwanten ring galahé puniki Tari Melinting kadadosang tarian krama. Tarian puniki taler kalaksanayang ring acara-acara budaya miwah tari ring upakara panyanggran tamiu agung. Krama Lampung ngalaksanayang tarian puniki tatujonnyané ngucapang rasa angayubagia antuk makasami sané sampun kapolihang. Tari Melinting kalaksanayang olih pragina lanang miwah pragina istri. Wénten kutus pragina inggih punika petang pragina istri miwah petang pragina lanang. Panganggé sané kaanggén inggih punika panganggé adat Lampung miwah atribut marupa kopiah mawarna emas antuk pragina lanang, miwah siger antuk hiasan prabun para istriné. Makasami pragina makta kipas. Tarian puniki kairingang antuk alunan musik tradisional.[3][4]
- ↑ "Tari Melinting, Tarian Tradisional Dari Provinsi Lampung". Tim KAMERABUDAYA.com. 20 November 2016
- ↑ Digdo, Ikhsan (11 Juli 2017). "Tari Melinting, Ciptaan Ratu Penguasa Labuhan Meringgai". merahputih.
- ↑ "Tari Melinting Tarian Tradisional". negerikuIndonésia.com (ring Indonesia). Kaarsipin saking versi asli tanggal 2018-09-08. Kaaksés 2020-07-15.
- ↑ "Tarian Melinting Ciptaan Ratu Penguasa Labuhan Meringgai". merahputih.com (ring Indonesia). Kaaksés 2020-07-15.