Tari Makan Sirih
Tari Makan Sirih utawi sane ketah kauningin antuk Tari Persembahan inggih punika silih tunggil sasolahan ring Propinsi Riau. Sane ngawinang Tari Makan Sirih kabaos Tari Persembahan duaning Tarian Makan Sirih setata kasolahang ring pangawit parikrama. Khalis Binsdar MM miwah sawitrannyane maosang duk warsa 1957 ring Kota Pekanbaru ngawentenang parum pembakuan tari persembahan, sane nyolahang tarian miwah tembang-tembang Melayu. Tarian-tarian sane kasolah daweg punika minakadi Tari Serampang Dua Belas, Tari Mak Inang Pualu Kampai, Tari Tanjung Katung, miwah Tari Lenggang Patah Sembilan. Raris manut paparuman inucap seniman-seniman Riau ngolah sasolahan kanggen Tari Persembahan miwah karipta Tari Makan Sirih.
Mangkin, Tari Makan Sirih puniki sampun nenten asing ring kalangan krama Melayu Propinsi Riau. Ring makudang-kudang parikrama seremonial sampun janten nampilang Tari Persembahan marupa Tari Makan Sirih. Akeh pragina sane nyolahang Tari Makan Sirih punika saking 5 nyantos 9 pragina, sering akehnyane ganjil.[1] Akeh pragina ketahnyane nganutin genah masolah.
Tari Makan Sirih kasolahang ritatkala nyambrama tamiu sane kaping singgihin inggihan tamiu negara utawi tamiu agung sane rauh. Sajeroning masolah, silih tunggil pragina Tari Makan Sirih makta kotak sane madaging base. Base ring kotak punika raris kabukak miwah tamiu sane kaping singgihin punika katurin galah kapertama ngambil base inucap pinaka penghormatan, raris kasarengin olih tamiu sane tiosan. [2][3]
Tari Makan Sirih puniki taler nenten wantah kasolahang ring Riau sakewanten ring Kepulauan Riau, minakadi sane sampun kauningin Kepulau Riau inggih punika propinsi asil pemekaran saking Propinsi Riau.
Tari Makan Sirih inggih punika kreativitas krama Melayu sajeroning nyambrama tamiu. Pragina Tari Makan Sirih puniki patut ngresepang istilah-istilah khusus sajeroning tarian Melayu, minakadi igal (ngutamayang gerakan tangan miwah angga sarira), liuk (gerakan nunduk utawi mengayunkan badan), lenggang (mamargi sinambi ngerakang tangan), titi batang (mamargi ring a garis minakadi meniti batang), gentam (masolah sinambi ngetebang tunggak cokor), cicing (masolah sinambi malaib igis), legar (masolah sinambi mapiteh 180 derajat), miwah sane tiosan. [4]
Busana[uah | uah wit]
Busana sane kanggen olih para pragina kawastanin baju adat kurung teluk belanga. Ring duur para pragina, wenten paiasan sane kawentuk marupa sekar. Busana ring sor, para pragina nganggen kain songket antuk warna-warna sane cerah. [5]
Musik Pangiring[uah | uah wit]
Tari Makan Sirih kasolahang antuk iringan musik Melayu sane wit saking papaduan instrumen suara marwas, biola utawi fill, gendang, gambus, miwah akordion. Suara akordion pinaka piranti sane penting sajeroning muasik Melayu, suara inucap sane manados ciri khas musik Melayu.
Tari Makan Sirih rumasuk sasolahan sane madue tema gembira. Sasolahan puniki kairing antuk musik khas Melayu sane rancak miwah tembang Makan Sirih sane pahan liriknyane maosang kadi puniki:
"Makan sirih ujunglah ujungan aduhai lah sayang Kurang lah kapur tambah lah ludah Hidupku ini untunglah untungan aduhai lah sayang. Sehari lah senang seharilah susah."[2]
Nilai-nilai[2][uah | uah wit]
Disiplin miwah Kesabaran[uah | uah wit]
Nilai puniki kapanggih saking gerak tari sane patut kapalajahin antuk kedisiplinan miwah kesabaran mangda prasida nguasayang sasolahan puniki. Silih tunggil syarat prasida nyolahang tari Melayu inggih punika para pragina prasida ngrasayang gerakan-gerakannyaane, nenten wantah masolah kemanten.
Hiburan[uah | uah wit]
Tari Makan Sirih nyolahang gerakan sane becik miwah alunan musik sane gembira. Tamiu jagi marasa seneng yening kasanggra antuk sasolahan puniki.
Pelestarian Budaya[uah | uah wit]
Pementasan sasolahan puniki sajeroning pamungkahan parikrama pinaka utsaha nglestariang budaya Melayu. Ritatkala mentasang sasolahan puniki, sayuaktinnyane wenten tiga sane kalestariang inggih punika tembang, sasolahan, miwah busana Melayu.
Seni[uah | uah wit]
Ring seni Tari Makan Sirih wenten unsur gerak, busana adat Riau, musik pangiring, miwah tembang Melayu Riau sane katembangang. Unsur-unsur seni tari puniki mapadu kantos mawentuk Tari Makan Sirih.
Olahraga[uah | uah wit]
Puniki prasida kapanggil saking gerakan-gerakan Tari Makan Sirih sane ritmis miwah dinamis. Indike puniki majanten ngamerluang kesiapan fisik para pragiannyane. Kekuatan, ketahanan, miwah kelenturan anggan pragina dahat kaperluang ritatkala gamargiang gerak Tari Makan Sirih sane indah miwah penuhs emangat.
Kreativitas[uah | uah wit]
Nilai puniki kapanggihing ring ragam gerak sane nyihnayang kreativitas krama Melayu sajeroning mengekspresikan keindahan.
Pustaka[uah | uah wit]
- ↑ Ahad (2016-11-06). "Tari Makan Sirih (Tari Persembahan.) Riau". Pantauriau.com. Kaaksés 2023-03-07.
- ↑ 2,0 2,1 2,2 admin. "TARI PERSEMBAHAN MAKAN SIRIH" (ring Inggris). Kaaksés 2023-03-06.
- ↑ "Tari Persembahan, Memberi Sirih Memberi Hormat". Indonesia Kaya. Kaaksés 2023-03-06.
- ↑ "Tari Makan Sirih, Tari Persembahan di Riau". TribunPekanbaru Wiki (ring Indonesia). Kaaksés 2023-03-06.
- ↑ Sukowati, Nor Rahma (2020-11-05). "[Lengkap] Tari Persembahan Riau: Sejarah, Gerakan, Musik + Video". Selasar (ring Indonesia). Kaaksés 2023-03-06.