Tari Kedidi
Tari Kedidi inggih punika sasolahan adat sane wit saking Bangka Belitung.[1] Tari Kedidi kangkat saking gerakan kedis Kedidi sane akeh kapanggihin rikala krama ngawit mamula rauh nyantosang masan manyi. Rikala wengi sambil masandekan sawusan makarya, krama desa ngibur antuk nyuarang musik Dambus sinambi bedincak miwah nyolahang Tari Kedidi. Tari Kedidi pinaka lambang gerak-gerik kedis Kedidi sane kocap akeh wenten ring pasih Pulau Bangka. Kedis Kedidi inggih punika soroh kedis sane idup makelompok taler unik ritatkala mapalalianan miwah ritatkala ngalih amahan ring sisin pasihe. [2]
Manut silih tunggil pewarih sane kantun wenten kantos mangkin sane mapesengan Kamarul, sane mijil ring warsa 1935, maosang sasolahan puniki karipta olih jejaka sane madue swagina manados bendega miwah petani sane urip ring jaman Kesultanan Palembang sane makuasa ring pulau Timah, jejakan punika mapesengan Abu Latief. [1]
Abu Latief sering meneng ring sisin pasihe, pateh minakadi kedis Kedidi sane seneng mapalalianan ring pasih. Raris dane polih inspirasi saking kedis kedidi sane sedeng manjus miwah nyingakin lucunyane kedis punika. Tiosan punika, Abu Latief taler sampun ngripta iringan musik sane kakaryanin antuk bahan-bahan alami sane kapolihang saking wawidangan sekitar. [1]
Suksman Tari Kedidi pinaka panglila cita. Manut aab jagate, sasolahan puniki kanggen mengelabuhi para penjajah sane daweg punika meled nangkep tentara keamanan rakyat (TKR). Tiosan punika, pola lantai Tari Kedidi sane marerod sejajar makacihna kesatuan ngaturang penghormatan. Raris, pola marerod ring 2 garis pinaka cihna kedis Kedidi sane lincah miwah seneng makecos sambil mapalalianan yuyu. Miwah pola lantai melingkar madue suksman inggih punika kedis Kedidi maderbe kebiasaan sering mapupul saren tempal-timpalipun. Kontekstualisasi gerakan Tari Kedidi inggih punika nyritayang indik kepahlawanan miwah kawentenan wawidangan krama daweg punika. [1]
Tari Kedidi inggih punika sasolahan tradisi sane manados tetamian Budaya Tak Benda Indonesia sane wit saking wawidangan Bangka Belitung. Tari Kedidi puniki sering kasolahang ritatkala wenten upacara adat Perang Ketupat ring desa Tempilang. Kantos mangkin Tari Kedidi madue kawigunan sane penting sajeroning krama Kabupaten Bangka Barat minakadi seniman, pamerintah, miwah masyarakat umum duaning pinaka pemenuhan kebutuhan krama inucap. [1]
- ↑ 1,0 1,1 1,2 1,3 1,4 Julian, Rifan (2021-08-16). "Beginilah Sejarah Tari Kedidi Khas Bangka Belitung, Fungsi & Maknanya" (ring Indonesia). Kaarsipin saking versi asli tanggal 2023-01-26. Kaaksés 2023-03-03.
- ↑ "Warisan Budaya Takbenda | Beranda". warisanbudaya.kemdikbud.go.id. Kaaksés 2023-03-03.[permanent dead link]