Tari Bondan Payung
Tari Bondan Payung pinaka soroh sasolahan tradisional saking Propinsi Jawa Tengah, pamekasnyane ring wawidangan Surakarta.[1][2]
Tari Bondan Payung puniki yening nganutin lelintihannyane pinaka sasolahan wajib sane patut kasolehang antuk kembang desa mangda uning ring jati angga. Antuk nyolahang sasolahan puniki raris para pragina jagi kapanggih minakadi biang sane sedeng ngrawat oka miwah rabinnyane. Akeh paninggalan kabudayan sane kadruenin olih Suku Jawa taler madue makna miwah filosofi. Kenten taler sajeroning Tari Bondan Payung ngambarang rabi sane nenten jegeg kemanten, sake wanten patut prasida ngasuh, ngajahin, nresnain, miwah nyaga okannyane. Filosofinyane inggih punika marupa rabi sane meled kerja keras miwah nenten uning kenyel.[1]
Tari Bondan Payung kapah dados tigang soroh sane matiosan, inggih punika minakadi ring sor.[1][3]
Inggih punika sasolahan sane nyihnayang tresnan biang majeng okannyane sane pamuputnyane seda, kantos prasida manados nuansa sedih.
Inggih punika sasolahan sane nyritayang kahuripan ibu-ibu ring desa ane madue swadharma ngasuh okannyane, raler ngwantu rabinnyane makarya ring sawah utawi tegalan.
Inggih punika nyritayang rasa bagia ibu sane pinih ajeng kaicenin oka, dadosnyane madue nuansa bagia miwah positip.
Sasolahan tradisional puniki nenten wantah madue nilai-nilai seni kemanten, sakewanten wenten taler nilai moral miwah dados kapelajahin. Sayuaktinnyane, pinaka generasi penerus bangsa Indonesia patut setata nyaga miwah tetep nglestariang mangda nenten ical.
Yadiastun sasolahan puniki sampun arang kasolahang, sakewanten kantun prasida kapanggihin ring pagelaran budaya ritatkala nampilang kesenian tradisional Jawa Tengah.
Pola lantai Tari Bondan saking Surakarta puniki nganggen pola horizontal utawi garis lurus.[1]
Properti sane kanggen ring Tari Bondan Payung inggih punika minakadi ring sor puniki.[1][4]
Payung kertas pinaka properti utama sane kanggen ring sasolahan puniki, pinaka simbol ibu sane nyaga pertumbuhan i pianak saking marabaya. Sajeroning gerakan soroh Tari Payung Bindan Cindogo miwah mardiswi, payung kertas pinaka properti utama sane nenten dados kalaliang. Properti payung kertas sane kanggen ring sasolahan puniki madue akudang-kudang motif minakadi sekar.
Properti kendil inggih punika piranti ring pawaregan sane kakaryanin saking tanah liat miwah mawiguna pinaka genah toya inem. Kendil puniki manados properti utama ring Tari Bondan miwah pinaka ciri khas saking sasolahan tradisional puniki. Properti puniki kanggen pinaka simbol ibu sane jagi setata ngicenin kahuripan majeng pianaknyane.
Caping sajeroning Tari Bondan Pegunungan dahat mawiguna, duaning ritatkala ngwantu rabinnyane makarya ring sawah, caping puniki sane kanggen pinaka pelindung duur saking panes ai miwah pinaka pelindung saking toya ritatkala ujan.
Properti kamben puniki kanggen panutup anggan anak istri utawi ketahnyane kanggen anak istri Jawa jaman dumun. Wenten akeh soroh kemben sane kanggen, ngawit saking pola polos, kain beludru, kain batik, miwah sane tiosan.
Duaning panagara Indonesia madue iklim tropis sane panes miwah lembab, antuk punika anak istri dumun seneng nganggen kemben. Tiosan punika, cara nganggen kemben taler dangan pisan, inggih punika wantah ngilitang kain ring angga tepine kalipet raris wewehin tali.
Properti puniki ketah kabaos pinaka sigar, inggih punika soroh papayasan sane kanggen ring lelata. Jamang kanggen saking lelata kantos ka pelengan. Properti Jamang ketah kapaduang antuk sumping miwah rambutnyane kasanggul. Jamang puniki ketah kanggen pinaka properti tambahan sajeroning busana sasolahan tradisional utawi nyangkepin busana adat sane mawiwaha. Daweg masa pamerentahan Kerajaan Medang, Jamang puniki kakaryanin saking bahan logam mulia marupa emas miwah perak. Raris Jamang jagi kadagingin ukiran alus katatah antuk soca miwah intan.
Properti Jamang pinaka pangambaran sang angangge inggih punika anak sugih utawi soroh bangsawan. Sakewanten mangkin, Jamang akeh kakaryanin antuk bahan kuningan utawi kulit sane tembus madaging bolong raris jagi kawarnain emas.
Kain Jarik inggih punika kain mamotif batik sane kanggen pinaka penutup angga ring sor. Wenten akeh soroh kain jarik mamotif batik sane dados kanggen, sane saluir motifnyane wenten makna soang-soang. Motif jarik patut kaanutang antuk cara sane sedeng karauhin. Sakewanten sajeroning Tari Bondan, risampune kain jarik kaiket kalanturag antuk nganggen kemben utawi stagen. Stagen puniki mawiguna pinaka naan waduk mangda tetep kenceng miwah kapanggihin alit, taler pinaka naan jarik mangda nenten goloh.
Boneka bayi pinaka properti utama ring sasolahan puniki duaning makna sasolahan puniki nyritayang indik trasna asih ibu majeng pianaknyane. Ring sasolahan Tari Bondan sane wit saking Jawa Tengah puniki, para pragina kapatutang mangda setata manados jati angga, benjang jagi manados ibu. Yening nganggen properti boneka bayi, para pragina jagi nyihnayang sifat keibuan. Para pragina jagi ngambarang punapi tata cara ngajahin miwah ngasuh pianak antuk lemah lembut miwah tresna asih.
Kain sane kanggen ring ssolahan puniki matatujon ngendong inggih punika sampur utawi busana para pragina tradisional Jawa Tengah. Cara nganggen kain sampur ring sasolahan puniki inggih punika antuk ngenahang ring bau para pragina, pinaka pemanis miwah panglengut sasolahannyane. Para pragina Bondan Payung jagi ngendong boneka bayi sane kaanggep pinaka pianaknyane antuk tresna asih.
Properti ping untat ring sasolahan puniki inggih punika wakul utawi tenggok sane kakaryanin saking ulatan tiing. Tenggok utawi wakul puniki ketah kanggen para petani pinaka genah saking asil tani utawi tegalan. Properti wakul puniki ketah kanggen sajeroning Tari Bondan Pegunungan/Tani. Duaning gerakan ring sasolahan inucap nyritayang indik sarahina sang ibu sajeroning ngurus pianak miwah ngwantu rabinnyane ring tegal utawi sawah.
- ↑ 1,0 1,1 1,2 1,3 1,4 Rifa'i, Slamet (2023-01-28). "√ Tari Bondan Payung : Sejarah, Gerakan, Properti, Pola Lanti, Ciri Khas". Riverspace (ring Indonesia). Kaarsipin saking versi asli tanggal 2023-03-08. Kaaksés 2023-03-08.
- ↑ Platform (support@ommu.co), Ommu. "Tari Bondan | Center Of Excellence". ommu.co. Kaarsipin saking versi asli tanggal 2023-03-08. Kaaksés 2023-03-08.
- ↑ "Ciri Khas Tari Bondan, Makna Simbolis Kehidupan Seorang Ibu - Daerah Katadata.co.id". katadata.co.id (ring Indonesia). 2021-12-06. Kaaksés 2023-03-08.
- ↑ Sukowati, Nor Rahma (2020-09-22). "[Lengkap] Tari Bondan: Asal, Gerakan, Properti, Makna + Video". Selasar (ring Indonesia). Kaaksés 2023-03-08.