Tari Andun
Tari Andun inggih punika silih tunggil sasolahan krama sané mawit saking Bengkulu.[1] Sasolahan puniki dados pahan sané wajib kalaksanayang ri tatkala upakara adat Nundang Padi. Tari Andun kasolahang ring lapangan. Gerakan tari puniki marupa gerak sembah, gerak puji, miwah gerak saling teteh. Nilai sané wénten ring tari puniki inggih punika nilai kebersamaan miwah gotong royong ring kramané sané matetujon antuk ngamolihang tetujon sareng-sareng. Para penari Tari Andun sané istri nganggén baju beludru barak, kain songkét, miwah sunting jurai. Para lanangnyané nganggén songkét bawak, celana lantang, jas, miwah déstar. Lianan saking punika para penarinyané taler nganggén seléndang miwah makta kipas. Tari puniki kairingin nganggén musik sané kasuarayang saking kolintang miwah rebana.
Tari Andun inggih punika sasolahan krama saking Bengkulu sané kalaksanayang ri tatkala wénten upakara pawiwahan. Ketahnyané kalaksanayang olih para truna miwah truni mapasangan ring petengnyané tur kairingin antuk suara kolintang. Ring galah sané sampun lintang sasolahan puniki kaanggén dados sarana ngamolihang jodoh sasampun panén padi. Ritatkala kalaksanayang, tari puniki kasolahang olih para truna miwah truni mapasangan, wénten taler kasolahang olih para truni utamannyané sané durung mawiwaha.
Tari Andun ketahnyané kasolahang olih truna miwah truni. Akéhnyané manut saking sané kaperluang. Antuk upakara adat, makasami kranané prasida sareng ngigel. Yéning antuk pertunjukan, ketahnyané akéh pragina kasesuaiang manut saking kelompok tari sané pacang kasolahang. Krana makasami krama dados nyolahang, tari puniki kakaryanin sederhana, makasami gerakannyané madué makna sané khusus.
- ↑ Media, Kompas Cyber (2021-03-03). "Tari Andun, Tarian Pesta Perkawinan di Bengkulu Halaman all". KOMPAS.com (ring Indonesia). Kaaksés 2021-09-10.