Tanjung Pinang

Saking Wikipédia
Loncat ke navigasi Loncat ke pencarian

Kota Tanjungpinang utawi Tanjung Pinang (sané ketah kasurat Tg. Pinang) inggih punika ibu kota saking propinsi Kepulauan Riau (Nusa Riau), Indonésia.[1] Kota puniki magenah ring Nusa Bintan miwah makudang-kudang nusa alit minakadi Nusa Dompak lan Nusa Penyengat, antuk koordinat 0º51' - 0º59' LU dan 104º23' - 104º34' BT.

Kota Tanjungpinang i nguni wantah unteng pamréntahan saking Kesultanan Riau-Lingga. Sadurung kalimbakang dados kota otonom, Tanjungpinang wantah ibukota saking Kabupatén Kepulauan Riau (mangkin Kabupatén Bintan). Kota puniki sané dumun wantah ibukota Propinsi Riau (Riau Daratan lan Nusa Riau) sadurung kagingsirang ka Kota Pekanbaru. Wates-wates wewidangan saking Kota Tanjungpinang inggih punika pinih kaja Kecamatan Teluk Bintan lan Kecamatan Bintan Utara, Kabupaten Bintan, pinih kelod inggih punika Kecamatan Mantang lan Kecamatan Bintan Timur, Kabupaten Bintan. Ring sisi kauh inggih punika Kecamatan Galang, Kota Batam, lan Kecamatan Teluk Bintan, Kabupaten Bintan miwah pinih kangin Kecamatan Bintan Timur dan Kecamatan Teluk Bintan, Kabupaten Bintan.

Akéh genah pariwisata sané wénten ring kota puniki, minakadi Nusa Penyengat sané doh ipun wantah 2 mil saking Pelabuan Sri Bintan Pura, Pasisi Trikora sané mabias putih tur doh ipun saking kota kirang langkung wantah 65 km lan Pasisi Buatan inggih punika Sisin Pasih sané magenah ring pasisi pusat kota pinaka cihna saking kota (waterfront city).

Pelabuan Tanjungpinang ring Sri Bintan Pura madué kapal-kapal féri lan féri becat (speedboat) sané kaanggén tatkala ngamargiang palungan doméstik minakadi ka Nusa Batam miwah nusa- tiosan minakadi Nusa Karimun lan Kundur miwah kota-kota ring Riau. Pelabuan puniki taler pinaka genah anggén ngamargiang palungan internasional ka panegara Malaysia lan Singapura.

Pustaka[uah | uah wit]

  1. www.tanjungpinangkota.go.id/pages/profil (diakses pada 6 April 2019)