Tanjidor

Tanjidor inggih punika kesenian Betawi sane mawentuk orkes. Kesenian puniki sampun ngawit duk abad ka-19 karintis olih Augustin Michiels utawi sane ketah kauningin antuk Mayor Jantje ring wawidangan Citrap utawi Citeureup. Alat-alat musik sane kanggen ketahnyane pateh minakadi drumben. Kesenian Tanjidor taler wenten ring Kalimantan Barat, sakewanten ring Kalimantan Selatan sampun punah. Wenten taler kawigunan musik Tanjidor pinaka ngibur, sakewanten taler prasida pinaka acara ngaramiang upacara lamaran ring Betawi.

Kruna Tanjidor wit saking basa Portugis 'tangedor' sane maartos 'musik'.

Kesenian Tanjidor ketahnyane kanggen ring musik jalanan tradisional utawi pesta Cap Go Meh ring wawidangan Tionghoa Betawi. Musik puniki pinaka sisa saking musik baris miwah musik tiup jaman Belanda ring Indonesia. Taler ketahnyane kesenian puniki kanggen ngiringin sang alaki-rabi utawi sajeroning acara pawai daerah. Sakewanten ketahnyane kesenian puniki kamargiang ring genah sane karauhin olih krama Betawi minakadi orkes.