Taman Mayura
 | Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki.
Tekén keterangan liyanan, klik [tampilkan] ring bagian tengen.
|
 | |
|---|---|
.jpg) Balé Kambang, 5 Oktober 2011 | |
 | |
| Inpormasi umum | |
| Tipe | Taman |
| Pakem Undagi | Bali |
| Genah | Mataram, Nusa Tenggara Barat |
| Margi | Jl. Purbasari, Mayura, Mataram kecamatan, Mataram. |
| Negara | Indonésia |
| Koordinat | 8°35′12.52″S 116°7′59.02″E / 8.5868111°S 116.1330611°E |
| Estimasi puput | Abad ka-19 |
| Jimbar genah | 33,877.10 m² |
Taman Mayura inggih punika taman sané kawangun olih Anak Agung Gdé Ngurah Karangasem ring warsa 1866.[1] Taman puniki dohnyané sawatara 2 kilométer saking kangin Mataram. Taman Mayura kawangun olih raja Anak Agung Gde Ngurah Karangasem mangdané kadadosang kompléks istana raja. Taman puniki taler madué genah kerajaan sané kaanggé olih para raja antuk masandekan, sané mangkin genah punika dadosnyané magenah ring Padmasana.[1]
Taman Mayura kawangun ri tatkala masa Kerajaan Bali kantun madeg nata ring wewidangan Lombok ring warsa 1744 maséhi olih Raja A.A. Madé Karangasem. Taman puniki sadurungnyané mawasta Taman Kelepug krana suara yéh sané mawit saking mata yéh tur tuwun ka telagané. Salanturnyané wasta Taman Kelepug nika kagentosin olih Raja A.A. Madé Karangasem sané ngamecikang taman punika ring warsa 1866 maséhi.[2] Wasta taman puniki mawit saking basa Sanskérta inggih punika mayura sané maartos kedis merak. Wasta merak punika mawit saking carita indik, sadurungnyané ring telaga punika wénten akéh lelipi. Nika mawinan para panglingsir irika ngicénin pawarah-warah mangda kramané miara merak mangda nénten malih wénten lelipi irika. Nika sané ngawinang taman punika kasub kawastanin Taman Mayura sané artosnyané taman kedis merak.
Wénten wangunan sané genahnyané ring madya telaga, wangunan punika mawasta Rat Kerte utawi sané ketah kawastanin Gili olih para kramanné. Rat Kerte puniki sadurungnyané kaanggén genah mapupul olih para petinggi kerajaan tur kadadosang genah nerima tamiu. Ring pahan pura wénten patpat pura utama inggih punika Pura Gunung Rinjani, Pura Ngelurah, Pura Padmasana, miwah Pura Gedong. Pura Gedong dados genah sané pinih ketah kaanggén genah ngalaksanayang upakara olih umat Hindu. Nika mawinan Pura Gedong madué wasta lianan inggih punika Pura Jagad Rana. Kompléks pura punika prasida karauhin olih para kramanné, nika mawinan para kramanné mrasidayang malancaran irika mangda uning indik pura punika.
- ↑ 1,0 1,1 Suryana, Esty Asriyana; Martianto, Drajat; Baliwati, Yayuk Farida (2019-06-28). "Pola Konsumsi dan Permintaan Pangan Sumber Protein Hewani di Provinsi Nusa Tenggara Barat dan Nusa Tenggara Timur". Analisis Kebijakan Pertanian. 17 (1): 1. doi:10.21082/akp.v17n1.2019.1-12. ISSN 2549-7278.
- ↑ Gotripina (2019-04-27). "Taman Mayura Lombok (Tempat Wisata Sejarah Yang Indah)". Go Trip Indonésia (ring Inggris). Kaaksés 2020-05-24.