Taman Margasatwa Lok Kawi
Taman Margasatwa Lok Kawi inggih punika genah sarwa baburon sane magenah ring Kota Lok Kawi, Kaprajaan Sabah, Malaysia. Genah ngupapira kahanan baburone puniki sampun wenten duk pinanggal 17 Februari 2007. Sane sampun nitenin kawentenan margasatwa sane pinih mabuat puniki inggih punika saking Departemen Margasatwa Sabah[1].
Pinaka sinalih tunggil genah ngupapira kahanan baburon, Taman Margasatwa Lok Kawi taler nyokong kahanan sarwa maurip minakadi tumuwuh wiadin sekancan entik-entikan sane langah kawentenanne tur karaksa. Punika mawinan taman margasatwane puniki maduwe kalih papalihan, inggih punika wenten genah zoologi sane ngaraksa sakancan baburon taler wenten sane kawastanin botani sane pinaka genah ngaraksa sakancan tumuwuh.[1] Taman puniki linggahnyane 280 hektar sane ngupapira sakirang langkungnyane wenten 88 baburon, minakadi: orangutan, zebra, miwah baburon sane kawentenane sayan rered. Yening ring botani wenten kantong semar, taman aroma lan therapi, miwah entik-entikan sane tiosan.[2]
- ↑ 1,0 1,1 Sabahtourism. "Taman Margasatwa Lok Kawi". Kaaksés 31 Juli 2024.
- ↑ Veroalex. "Lok Kawi Wildlife Park – Best Sabah Travel Guide". Kaaksés 31 Juli 2024.
