Taman Kiai Langgeng
| Taman Kyai Langgéng | |
| Berkas:Taman Kiai Langgeng.jpg Taman Kyai Langgéng | |
| Informasi | |
|---|---|
| Genah | |
| Negara |  Indonésia
|
| Karancang olih | Pemerintah Kota Magelang |
| Pengelola | Perusahaan Umum Daérah Objek Wisata Taman Kyai Langgéng |
| Ngawit pembangunan | 1981 |
| Penyelesaian | 1987 |
| Soroh genah wisata | Wisata taman & permainan |
| Jimbar | 27,5 Hektar |
| Fasilitas | Tanaman langka, Wahana Permainan, Kolam Renang, Water Park, Water Boom, Sarana outbound |
Taman Kyai Langgéng inggih punika silih tunggil wisata taman sané magenah ring Kota Magelang, Jawa Tengah. Genah punika karesmiang ring tanggal 15 Septémber olih gubernur Jawa Tengah, H. Ismail. Sadurungnyané taman puniki marupa lahan kritis sétra, carik, miwah tegal sané nénten kawigunayang. Ring warsa 1981, kauwah dados taman bunga sané jimbarnyané 27,5 héktar.[1]
Sané madué pikayunan mangda lahan punika kauwah dados taman bunga inggih punika Drs. H. Bagus Panuntun. Wasta Taman Kyai Langgéng punika kaambil saking wasta ulama miwah pejuang ring sor kapemimpinan pahlawan nasional Pangéran Diponegoro ri tatkala nglawan penjajah Belanda (1825-1830). Genah punika kapilih krana genah punika dados sétra Kyai Langgéng sané karawat ngantos mangkin. Objék wisata punika karawat olih Perusahaan Umum Daérah (PERUMDA) tur pamerintah kota Magelang. Wangunan punika konsépnyané manut saking sapta pesona pariwisata (aman, tertib, bersih, sejuk, indah, ramah, miwah kenangan). Taman Kyai Langgéng prasida dados silih tunggil sumber pangupa diri asli wewengkon irika. Ring Taman Kyai Langgéng, para wisatawan mresidayang nyingakin gelanggang remaja, taman lalu lintas, rumah joglo, rumah apung, panggung terbuka, arena bermain, jembatan kaca retak, bianglala, becak mini, kereta air, jet coaster, kereta mini, komidi putar, anjungan dirgantara, miwah flying fox.
- Entik-entikan langka sané prasida kadadosang objék seseleh inggih punika cempaka ganda (Mycelia campaca), dewa daru (Eugenia Sp), apel beludru (Diospiros Rabbola), nagasari (Mesua Ferrea), matoa (Pometia Pinata Ireigfost), ruser (Arthocarpus Sp), dan lobi-Lobi (Flacouritia Inermis Roxb).
- Makudang-kudang buron sakadi buaya, owa, pitik, kedis, miwah makudang-kudang bé.
- Togog-togog dinosaurus sané kagenahang ring makudang-kudang genah.
- ↑ "Taman Wisata Kyai Langgéng". www.kyailanggéng.com. Kaaksés 2021-10-18.