Susi Susanti

Saking Wikipédia

Lucia Francisca Susy Susanti Haditono (Hanzi: 王蓮香, Pinyin: Wang Lian-xiang, Hokkien, Pe̍h-oē-jī: Ong Lien Hiang embas ring Tasikmalaya, Jawa Barat, 11 Pébruari 1971;yusa 53) silih tunggil pemain bulu tangkis Indonésia. Paragaan nyané alit, gaya servis nyané sanget kaloktah, footwork ipun tan patanding, pagelangan tangan sané kuat, miwah mental sané tangguh, ida kaanggep olih akéh jadma dados sinilih tunggil pemain tunggal putri pinih becik salantang galah.[1] Ida pinaka paraih medali mas Indonésia kapertama ring Olimpiade.[2]

Ida mawiwaha sareng Alan Budikusuma, sané sareng mikolihin medali mas ring Olimpiade Barcelona 1992. Tiosan punika, ida polih medali parunggu ring Olimpiade Atlanta 1996. Pasangan Alan miwah Susi madué 3 raré sané mawasta Laurencia Averina (1999), Albertus Edward (2000), miwah Sebastianus Frederick (2003).

International Badminton Federation (mangkin Badminton World Federation) ring sasih Méi 2004 ngaicain panghargaan Badminton Hall of Fame majeng Susi Susanti. Pemain Indonésia liyanan sané polih penghargaan Hall of Fame punika Rudy Hartono Kurniawan, Dick Sudirman, Christian Hadinata, miwah Liem Swie King. Sadurungné, ida nampi Cihna Kehormatan Républik Indonésia Bintang Jasa Utama ring warsa 1992.

Pustaka[uah | uah wit]

  1. Leigh, James (21 Méi 1995). "Badminton: Shock defeat for Susanti". The Independent (ring Inggris). Kaaksés 22 Oktober 2018.
  2. Pikobet nganggit: Tag <ref> tidak sah; tidak ditemukan teks untuk ref bernama jp