Surat Kecil untuk Tuhan
| Surat Kecil Untuk Tuhan | |
|---|---|
| Sutradara | Harris Nizam |
| Produser | Sarjono Sutrisno |
| Kasurat olih | Beby Hasibuan |
| Berdasarkan | Surat Kecil untuk Tuhan olih Agnes Davonar |
| Bintang Pilem | Dinda Hauw Alex Komang |
| Kadistribusi olih | Skylar Pictures |
Tanggal rilis | 7 Juli 2011 |
| Negara |  Indonésia |
| Basa | Indonésia |
Surat Kecil untuk Tuhan inggih punika film drama miwah biografikal Indonésia sané kasobyahang ring 7 Juli 2011. Sutradaranyané mawasta Harris Nizam. Watek ring film puniki inggihnyané Dinda Hauw miwah Alex Komang. Film puniki kasadur saking kahuripan sujati saking novél best-seller antuk murda sané pateh. Film Surat Kecil untuk Tuhan nyritayang indik anak isteri mawasta Gita Sesa Wanda Cantika, sang sané sungkan kanker Rhabdomyosarcoma kapertama ring Indonésia. Wateknyané inggih punika Dinda Hauw sareng Alex Komang ngamolihang nominasi Piala Citra malarapan antuk Aktris Terbaik dan Aktor Terbaik.
Sinopsis[uah | uah wit]
Film puniki nyritayang indik anak isteri nyritayang indik Gita Sesa Wanda Cantika utawi Keke mayusa 13 tiban. Keke madué kalih raka mawasta Chika miwah Kiki. Makasami kulawarganyané tresna pisan sareng Keke yadiastun Ibu sareng Ajinnyané sampun mapalasan. Taler wénten panjaknyané mawasta Pak Yus. Keke taler madué nenem sameton sané raket pisan. Gelisanh carita, ring warsa 2004 Keke keni sungkan kanker. Wastan saking sungkan puniki inggihnyané Rhabdomyosarcoma (Kanker Jaringan Lunak). Keke pinaka jadma kapertama sané keni sungkan puniki ring wewidangan Indonésia. Ngantos awarsa anak isteri sané kalintang ayu magentos dados "monster" mawinan ngamargiang kemoterapi sareng radiasi. Makasami rambutnyané ical, ngantos botak. Pamuputnyané, Keke pradisa seger ogér sangkaning teleb nglaksanayang pengobatan. Ring warsa 2006, kanker punika mawali tur ngansan meweh ngrereh tamba sané patut. Sami kulawarga mautsaha ngrereh tamba saking makéh dokter ring sajebag Indonésia ngantos ka dura nagara. Akéh dokter sané nganikain yéning yusa Keke wantah ngantos 3 bulan manten. Nanging, sangkaning pasuecan Tuhan, Keke pradisa urip ngantos awarsa. Ring pamumutnyané Keke raris padem.
Watek[uah | uah wit]
- Dinda Hauw pinaka Gita Wanda Sesa Cantika / Keke
- Esa Sigit pinaka Andi
- Egi John Foreisythe pinaka Chika
- Dwi Andhika pinaka Kiki
- Alex Komang pinaka Ayah
- Ranty Purnamasari pinaka Ibu
- Heri Savalas pinaka Pak Yus
- Indri Giana pinaka Shifa
- Maulidha Tiara Ningsih pinaka Fachda
- Vinessa Ladiatry Lileka pinaka Dinda
- Sasa Nabila pinaka Andini
- Cut Nadya pinaka Ida
- Ayunda Gayatri Maheswari pinaka Maya
- Cellica Nurrachadiana pinaka Dokter