Sotong

Sotong inggih punika silih tunggil sarwa woh-wohan. Buah puniki ring Basa Indonesia kawastanin jambu biji. sotong kepah dados kalih manut dagingnyané, wénten sotong barak lan sotong putih. Ring kapurwan, buah sotong wantah prasida kacunduk ring alas utawi abian. Mangkin ring zaman modern woh puniki sampun katanem ring paumah-umahan tur kaadol yéning sampun musimnyané. Buah sotong nénten wantah kaajeng nanging taler kaanggén ritatkala umat Hindu ring Bali makarya banten. Sotong madué wastan ilmiah inggih punika Psidium guajava L.