Sarin taun
Sarin Taun pinaka upacara sekadi Ngusaba Nini, sané manados wentuk nincapang rasa subakthi majeng Ida Sang Hyang Widhi Wasa dados Dewa Nini miwah Dewi Sri, punika sané nikain kahuripan becik ring pertanian para kramané. Upacara puniki sampun kamargian saking duk sané lintang, ketah kelaksayanag ring Pura Ulunsuwi ring wewidangan Kabupatén Tabanan miwah Kabupatén Buléléng, tepat ipun ring wewengkon kaldéra Bedugul. Galah upacara puniki nénten kapastika, wénten kaping ngewarsa, kaping 3 warsa, utawi liyané sané manutin désa kala patra soang-soang.
Upacara sané kasub kemargiang ring Pura Ulunsuwi Candikuning sané magenah ring Banjar Gunung Sari, Jatiluwih, Penebel, Tabanan. Upacara ring irika kemargiang ngatigang warsa, antuk ngamargiang upacara Sarin Taun punikii, karma ring désa sadurungné ngemargiang upacara alit kalih, piodalan ageng asiki, selantur nyané malih piodalan alit kalih, wawu ngaturan Sarin Taun.
Upacara Sarin Taun kemargiang olih krama Subak Jatiluwih Tempek Gunung Sari. Ring upacara Sarin Taun, para krama subak makta Dewa Nini sané kahias. Dewa Nini punika aiket padi sané kekaryanin petani sesampuné manyi padi Bali, selantur nyané kagenahang ring jineng jeroan soang-soang.[1] Sarin Taun wentuk dahat ngawangiang antuk padi lokal. Taler ngamanutin Tri Hita Karana.[2]
- ↑ (Indonésia) Tradisi Sarin Taun di Pura Ulunsuwi Candikuning, Tabanan, Dinas Kebudayaan Kabupatén Tabanan, kaarsipin saking versi asli tanggal 2022-07-17, kaaksés 30 Séptémber 2020
- ↑ (Indonésia) Pertanian Selaras Alam di Wongaya Betan, Seperti Apa?, mongabay.co.id, kaaksés 30 Séptémber 2020