Sé'i
 Se'i bawi | |
| Sajian | Utama |
|---|---|
| Mawit saking | Indonésia |
| Wawengkon utawi wewidangan | Kupang, Timor, Roté Tengah |
| Suhu penyajian | Anget |
| Lakaran utama | Bawi, sampi, ayam, menjangan utawi ulam |
Ulam sé'i utawi Sé'i silih tunggil ajengan ulam asep sané maasal saking Propinsi Nusa Tenggara Timur. Ring basa Roté, sé'i artos nyané ulam sané katués ring ukuran alit ngalantang, lantas kaasepin nganggé baa api nganti rateng.[1] Reratengan puniki wantah nganggén ulam kemanten ring pangasepan nyané polih panes saking baa saang.[2]
Se'i ring pamahbah nyané nganggén ulam bawi alas. Yadiastun sekadi punika, mangkin kawéntenan makudang pagentos ulam sé'i antuk lakaran ulam sampi, ayam, taler bé.[3] Ulam sané sampun puput kaasepin prasida langsung kaajeng antuk katués tipis. Menawi pinaka ulam puniki pacang kasimpen makudang rahina, sapunika patut kagoreng malih, utawi karateng ring tumisan sekar gedang miwah jangan tiosan.[2]
- ↑ wakhyuningngarsih (2017-10-17). "Se'i: Olahan Daging Melalui Pengasapan yang Telah Dilakukan Masyarakat Nusa Tenggara Timur Sejak Zaman Nenek Moyang". Balai Pelestarian Nilai Budaya Bali, NTB, NTT. Kaarsipin saking versi asli tanggal 2022-08-10. Kaaksés 2021-05-13.
- ↑ 2,0 2,1 Winarno, Bondan. "Daging Se'i". detikfood (ring Indonesia). Kaaksés 2021-05-13.
- ↑ Khairunnisa, Syifa Nuri (2020-07-24). "Apa Itu Sei? Daging Asap Khas NTT yang Sedang Naik Daun Halaman all". KOMPAS.com (ring Indonesia). Kaaksés 2021-05-13.