Rujak Cingur
Rujak cingur inggih punika ajengan khas utawi tradisional saking Surabaya, Jawa Timur. Pateh minakadi ajengan sane tiyosan, rujak cingur taler medue ciri khas ring bumbunyane sane jakti wenten tuah ring Jawa Timur kemanten. Akeh warung rujak cingur sane meneng tur ngadol ring luar kota Surabaya nenten mresidayang mapas pinaka rasa sane asli rujak cingur. Sane mawinan sekadi punika inggih ngamolihang bumbu petis sane pas. Rujak cingur puniki ka karyanin mawit saking "cingur" utawi "mulut" ring rujak cingur sekadi mangkin nenten malih nganggen cingur onta, minakadi nganggen cingur sampi sane sampun kalab-lab tur kabersihang. [1]
Lelintihan[uah | uah wit]
Rujak cingur puniki ajengan sane mawit saking dura negara inggih punika Mesir. Ritatkala Raja Firaun kari nyeneng, ida ngundang juru masak samian jagi masak ring istana antuk ngaryanan Raja ajengan sane istimewa nanging nenten pas ring arsa sang Raja.
Nadak ri sedek punika wenten laut anak lanang sane mawasta Abdul Rojak maktayang ajengan nganggen bungkus don biyu. Disampune kaperiksa olih para punggawa Raja, Raja nyicip. Wusan nika, raja merayunan minakadi anak sane sampun seduk ngantos peluh[2] ida nyrekcek.
Raja Firaun seneng ida sareng ajengan olih Abdul Rojak puniki, laut Abdul Rojak kaicen kapal laut, tanah tur maning dados juru masak ring istana. Abdul Rojak mamelitin hadiah sane sampun kaicen. Abdul Rojak tuah ngambil kapal laut manten. Lantas ipun ngwedarang resep punika.
Cara Ngaryanin[uah | uah wit]
Ring beten puniki alat utawi bahan sane jagi kasyagayang yening semeton jagi mekayunan ngaryanin rujak cingur ring genah soang-soang:
- cingur utawi mulut sampi
- nanas kairis
- bengkuang kairis
- timun cenik kairis
- poh nguda kairis
- tempe magoreng
- tahu cenik-cenik kagoreng
- kangkung tur rebus akejep manten
- utik-utik kecorin toya anget
- lontong utawi tipat
Lianan sareng bumbu ring ajeng, wenten malih bumbu petis sane cutet wenten. inggih punika:
- toya asem jawa
- toya mateng
- kacang tanah sane sampun magoreng
- kesuna
- biu batu nguda
- gula jawa utawi gula bali
- sere
- petis udang
- tasik/uyah.
Puniki tata cara ngaryanin rujak cingur:
- lab-lab cingur sampi punika ngantos mes
- saus petis: ulig bumbu sami ngantos halus, dagingin asem jawa tur toya sacukupnyane
- aduk ngantos kentel
- genahang potongan sayur utawi sane tiyosan ring piring
- siram utawi siam potongan iwawu nganggen saus petis
- rujak cingur sampun sayaga jagi kaajeng.[3]
Pustaka[uah | uah wit]
- ↑ Fimela.com (2022-03-04). "Sejarah Rujak Cingur yang Jadi Makanan Khas Surabaya". fimela.com (ring Indonesia). Kaaksés 2023-03-11.
- ↑ "Peluh". BASAbaliWiki (ring Indonesia). 2019-12-26. Kaaksés 2023-03-11.
- ↑ tim. "Resep Mudah Rujak Cingur, Kuliner khas Jawa Timur". gaya hidup (ring Indonesia). Kaaksés 2023-03-11.