Rahina PGRI
 | Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki.
Tekén keterangan liyanan, klik [tampilkan] ring bagian tengen.
|
Rahina PGRI inggih punika rahina wanti warsa sané kalaksanayang mapaiketan sareng wanti warsa Persatuan Guru Républik Indonésia (PGRI). Rahina puniki nenten ngranjing rahina cuti. Ring soang-soang sekolah ring Indonésia jagi kalaksanayang upacara bendéra tur ngicenin tanda jasa ring para guru, manggala sekolah, miwah pengawas sekolah. Guru ring Indonésia kasengguh pinaka pahlawan tan patanda jasa. Rahina guru Nasional manut kaputusan Présidén Soeharto ring tanggal 25 Nopémber 1994 antuk Keputusan Présidén, inggihnyané Kepres Nomor 78 warsa 1994 indik Hari Guru Nasional.
Rihin, wénten sekaa pejuang guru-guru krama pribumi ring jaman Belanda sané ngadeg duk warsa 1912 antuk wasta Persatuan Guru Hindia Belanda (PGHB). Sekaa puniki wateknyané unitaristik inggih punika sané ngranjing para guru wantu, guru désa, manggala sekolah, taler sang sané madué sekolah. Para guru makasami makarya ring sekolah désa miwah sekolah rakyat angka dua.
Ring warsa 1932 wasta Persatuan Guru Hindia Belanda (PGHB) kauwah dados Persatuan Guru Indonésia (PGI). Belanda nénten seneng yéning madaging kruna Indonésia pinaka sarana semangat kebangsaan. Lantur ri kala pemerintah Jepang ka Indonésia taler sekaa puniki nénten dados kamargiang malih.
Semangat proklamasi ring tanggal 17 Agustus 1945 pinaka diri parikrama Kongres Guru Indonésia ring tanggal 24-25 Nopémber 1945 di Surakarta. Saking kongrés punika makasami guru saking makudang-kudang sekaa sané mabinayan dados asiki. Ring tanggal 25 Nopémber 1945 - satus rahina sasampun proklamasi kemerdekaan Républik Indonésia - Persatuan Guru Républik Indonésia (PGRI) prasida ngadeg.[1][2][3]
- ↑ "Sejarah Singkat PGRI". Kaarsipin saking versi asli tanggal 2013-12-02. Kaaksés 2020-06-12. Unknown parameter
|dead-url=ignored (help) - ↑ "Sejarah Berdirinya PGRI". Kaarsipin saking versi asli tanggal 2014-08-10. Kaaksés 2020-06-12. Unknown parameter
|dead-url=ignored (help) - ↑ "Poin-poin penting sejarah lahirnya PGRI". Kaarsipin saking versi asli tanggal 2013-11-29. Kaaksés 2020-06-12. Unknown parameter
|dead-url=ignored (help)