Rahina Natal

Saking Wikipédia
Punya Natal


Rahina Natal inggih punika rahina umat Kristen sané kalaksanayang nyabran awarsa. Rahina puniki kalaksanayang ring tanggal 25 Désémber antuk nyanggra rahina embasnyané Yésus Kristus. Kruna Natal mawit saking basa Portugis sané artosnyané embas utawi kalekadan. Ring tanggal 24 Désémber kalaksanayang kabaktian wengi, tur ring tanggal 25 kalaksanayang kabaktian semeng. Ring makudang-kudang gereja ortodoks nglaksanayang rahina Natal ring tanggal 6 Januari. Ring tradisi barat, rahina Natal madué cihna sané nénten makaitan sareng agama (non-agamawi). Wénten tradisi Natal sané mawit saking barat, minakadi pohon Natal, kartu Natal, hadiah Natal.[1]

Lelintihan[uah | uah wit]

Kruna Natal mawir saking ungkapan basa Latin Diés Natalis (Rahina embas). Ring basa Inggris perayaan Natal punika mawasta Christmas, sané mawit saking istilah Inggris kuni Cristes Maesse (1038) utawi Cristes-messe (1131), sané maartos Misa Kristus. Christmas ketah taler kasurat X'mas, inggih punika panyingkatan sané adung sareng tradisi Kristen, krana aksara X ring basa Yunani punika singkatan saking Kristus utawi ring basa Yunani Chi-Rho. Ring Alkitab basa Indonésia nénten kacunduk kruna Natal, sané wénten kruna embasnyané Yésus manten.

Rahina Natal kalaksanayang mawit saking warsa 200 M ring Aleksandria (Mesir). Para teolog Mesir nunjuk tanggal 20 Méi, nanging wénten taler sané nunjuk tanggal 19 utawi 20 April. Ring genah-genah sané lianan, Natal kalaksanayang ring tanggal 5 utawi 6 Januari, wénten taler ring bulan Désémber. Perayaan punika kalaksanayang mawit tanggal 25 Désémber mawit saking warsa 221 olih Sextus Julius Africanus, tur wawu katerima ring abad kalima. Wénten makudang-kudang perayaan keagamaan ring krama non-Kristen ring bulan Désémber.

  1. detikcom, Tim. "Natal, dari Sejarah Perayaan hingga Tradisi". detiknews (ring Indonesia). Kaaksés 2021-06-21.