Pura Sri Jong
 | |
|---|---|
| Inpormasi umum | |
| Tipe | Pura |
| Pakem Undagi | Bali |
| Genah | Desa Antap, Kecamatan Selemadeg, Tabanan |
| Koordinat | 8°31′33″S 114°59′37″E / 8.525927615664976°S 114.99348912982937°E |
Puri Sri Jong inggih punika pura kahyangan jagat sane magenah ring Desa Antap, Kecamatan Selemadeg, Tabanan. Manut satwa sane nguni, kramane pracaya indik kawentenan ceruk sane wenen ring Pura Sri Jong puniki polih kaanggen payuk olih Mahapatih Kebo Iwa. Samalihan saking kangin pura puniki wenten tanah sane tegeh, kocap polih kaanggen genah nyakan olih Mahapatih Kebo Iwa.[1] Pura puniki rumaket pisan antuk panyungsungan Bhatari Sri sane ngawesayang kerahajengan miwah kalanduhan jagat. Wastan purane puniki kasusun antuk kruna silih lan jong. Silih inggih punika maartos ngentos, jong inggih punika maartos jukung, saking punika pura puniki maartos ngentosang jukung. Sane lianan kocap taler Sri Jong punika maartos tedung sane ngaraksa jagat. Pura sane kaempon olih krama subak Soka puniki ngawentenang pujawali nabran dina Buddha Umanis Prangbakat pinaka panyiwian Ida Bhatari Sri.
- ↑ Tim Redaksi Bali Post (2018). Mengenal Pura Sad Kahyangan dan Kahyangan Jagat. Denpasar: Pustaka Bali Post. pp. 161–164. ISBN 978-979-8496-64-7 Check
|isbn=value: checksum (help).