Pupuh pucung

Saking Wikipédia

Pupuh pucung inggih punika silih tunggil pupuh utawi tembang sané ngeranjing ring sekar alit. Pupuh punika rumasuk ring kasusastran Bali Purwa sané marupa puisi. Talér masih kabaos pocung ring kawéntenan tembang macapat, sané smerti ipunné seda, lina utawi padem. Punika mawinan sang séda pacang ninggalang makasami kaleketaning jagad sakadi rajabrananyané. Sané kantun kabakta wantah kain petak maka pangaput angga sarira.[1][2] Padalingsa pupuh Pucung inggih punika 4U, 8U, 6A, 8I, 4U, 8A

Conto[uah | uah wit]

Conto kapertama

Ya i punggung,
Manuturang tutur puyung,
Mapi mapi pradnyan,
Bonggan kadi anak ririh,
Jati puyung,
Maweweh déwék wimudha.

Conto kadadua

Bibi anu
Lamun payu luas manjus
Antenge tekekang
Yatnain ngaba masui
Tiuk puntul
Bawang anggon sasikepan.

Pustaka[uah | uah wit]

  1. "Sekar Macepat/Sekar Alit/Pupuh sané wénten ring Bali" (ring Indonesia). Kaaksés 2020-05-30.
  2. Ngakan Madé Kasub Sidan. Sekar Rampe Basa Bali, 2008